ပြည်သူ့လွှတ်တော် ဥက္ကဋ္ဌ အဖြစ် USDP ဥက္ကဋ္ဌ ဦးခင်ရီ ရွေးချယ်တင်မြောက်ခံရ ဒုဥက္ကဋ္ဌ အဖြစ် ပြန်ကြားရေးဝန်ကြီး ဦးမောင်မောင်အုန်း ဖြစ်လာ

နေပြည်တော်ရှိ ပြည်သူ့လွှတ်တော်အဆောက်အဦမှာ ဒီကနေ့ မတ်လ ၁၆ ရက် နံနက် ၁၀ နာရီမှာ တတိယအကြိမ် ပြည်သူ့လွှတ်တော် ပထမပုံမှန်အစည်းအဝေး စတင်ကျင်းပနေပြီဖြစ်ပါတယ်။

တတိယအကြိမ်ပြည်သူ့လွှတ်တော်အစည်းအဝေး ပထမနေ့ အစီအစဥ်မှာ သဘာပတိအဖြစ် USDP ပါတီက ဦးနန္ဒကျော်စွာ က တာဝန်ယူဆောင်ရွက်ပြီး ပြည်သူ့လွှတ်တော် ဥက္ကဋ္ဌ ရွေးချယ်ရာမှာ USDP ပါတီ ဥက္ကဋ္ဌ ဦးခင်ရီ ကို ပြည်သူ့လွတ်တော် ဥက္ကဋ္ဌ အဖြစ် တစ်ဦးတည်း အမည်တင်သွင်းကာ ပြိုင်ဖက်မရှိဘဲ ဥက္ကဋ္ဌ အဖြစ် အတည်ပြုတင်မြောက်လိုက်တာဖြစ်ပါတယ်။

ပြည်သူ့လွှတ်တော် ဒုတိယ ဥက္ကဋ္ဌကိုတော့ ပြန်ကြားရေးဝန်ကြီးဖြစ်တဲ့ ဦးမောင်မောင်အုန်း ကို ရွေးချယ်တင်မြောက်လိုက်တာပဲဖြစ်ပါတယ်။

စစ်ကော်မရှင်ရဲ့ ရွေးကောက်ပွဲ ၃ ပိုင်းလုံးမှာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက အမတ်နေရာအများဆုံးရရှိတာဖြစ်ပြီး ပါတီ ဥက္ကဋ္ဌ ဖြစ်တဲ့ ဦးခင်ရီ ဟာ ပြည်သူ့လွှတ်တော် ဥက္ကဋ္ဌ ဖြစ်လာတဲ့ အတွက် နိုင်ငံတော်သမ္မတ နေရာနဲ့ လွဲချော်သွားခဲ့တာဖြစ်ပါတယ်။