တော်လှန်ရေးတပ်ဖွဲ့များ သိမ်းပိုက်ထားတဲ့ မန္တလေးတိုင်းထဲက တကောင်းမြို့ကို မတ်လ ၁၂ ရက်နေ့က အလုံးစုံပြန်လည်သိမ်းပိုက်ထိန်းချုပ်နိုင်ခဲ့တယ်လို့ စစ်တပ်က ယမန်နေ့မှာ ထုတ်ပြန်ထားပါတယ်။
တကောင်းမြို့နဲ့ ဒေသတစ်ဝိုက်အား ပြန်လည်သိမ်းပိုက်ဖို့ စစ်ဆင်ရေးကာလ ၁ လကျော်အတွင်း တိုက်ပွဲ ကြီးငယ် ၈၅ ကြိမ် ဖြစ်ပွားခဲ့ပြီး စစ်တပ် တပ်ဖွဲ့ဝင်အချို့ ကျဆုံး ထိခိုက်ဒဏ်ရာရရှိခဲ့ပြီး လက်နက်မျိုးစုံ ၄၀ လက်၊ ခဲယမ်း၊ ဗုံးသီးများ၊ ဖောက်ခွဲရေးပစ္စည်းတွေနဲ့ တော်လှန်ရေးတပ်ဖွဲ့ဝင် ရုပ်အလောင်းများ သိမ်းဆည်းရမိခဲ့တယ်လို့ သတင်းထုတ်ပြန်ထားပါတယ်။
တကောင်းမြို့နဲ့ ဝန်းကျင်ဒေသကို ပြီးခဲ့တဲ့ ၂၀၂၄ ခုနှစ် သြဂုတ်လအတွင်းက တော်လှန်ရေး ပူးပေါင်းတပ်တွေ တိုက်ခိုက်သိမ်းပိုက်ထားနိုင်တာပဲဖြစ်ပါတယ်။
ယခု တကောင်းမြို့ကို ပြန်လည်သိမ်းပိုက်ထားတဲ့ စစ်တပ်က နေရပ်စွန့်ခွာသူတွေ ပြန်လည်ဝင်ရောက် နေထိုင်ဖို့နဲ့ ပြန်လည်ထူထောင်ရေးလုပ်ငန်းတွေ စီမံဆောင်ရွက်နေတယ်လို့ ဖော်ပြထားပါတယ်။