သျှမ်းပြည်မြောက်ပိုင်း ကွတ်ခိုင်မြို့မှာ ကိုးကန့်တပ် MNDAA နဲ့ တအာင်းတပ် TNLA တို့ တင်းမာမှု ဖြစ်ပြီးတဲ့နောက် လားရှိုးဘက်ကနေ မူဆယ်−ကွတ်ခိုင်ဘက်သို့ သွားမယ့် အတက်ကားတွေကို MNDAA က သိန္နီတိုးဂိတ် မှာ ဖြတ်သန်းခွင့် ပိတ်မယ်လို့ သျှမ်းမြောက်ဒေသတွင်း သတင်းရင်းမြစ်ထံမှ သိရပါတယ်။
မူဆယ်−ကွတ်ခိုင်ဘက်မှ အဆင်းကားတွေ အားလုံးကိုသာ ဖြတ်သန်းခွင့် ပြုထားပြီး အတက်ကားတွေ အားလုံးကိုတော့ ပိတ်ထားတယ်လို့ သိရပါတယ်။
“ခါလီကားတွေနဲ့ ခရီးသည်တင်ယာဥ်တော့ ဖြတ်ခွင့်ပေးထားပါတယ်၊ ကုန်ပစ္စည်းတင်တဲ့ ကားတွေတော့ ပေးမဖြတ်ဘူး၊ ဒီလိုကန့်သတ်ထားတာက မဟာမိတ်အချင်းချင်း တင်းမာမှုကြောင့် လို့ထင်တယ်” လို့ သျှမ်းမြောက်ဒေသခံတစ်ဦးက ပြောပါတယ်။
အခုလို ကုန်တင်ယာဥ်တွေ ဖြတ်သန်းသွားလာခွင့် ကန့်သတ်ပိတ်ဆို့လိုက်တာဟာ ဒေသတွင်း ပြည်သူတွေရဲ့ အခြေခံစားသောက်ကုန်၊ ဆေးဝါးနဲ့ လူသုံးကုန်တွေ သယ်ယူရရှိဖို့ အခက်အခဲ ကြုံတွေ့နိုင်ပြီး ပစ္စည်းပြတ်လပ်မှုများ ဖြစ်လာနိုင်တယ်လို့ သိရပါတယ်။
Photo – Credit to owner