တောင်ကြီး မြို့ မှ အေးသယာ ထုံးဖို့သို့ဆင်းသည့် တောင်အဆင်းလမ်းတွင် ၁၂ ဘီးကုန်တင်ယာဥ်ကြီး များ မကြာခဏဆိုသလို လမ်းဘေးချောက် ထဲထိုး ကျမှုဖြစ်ပွားနေကြောင်းတောင်ကြီး မြို့ခံများထံမှ သိရသည်။
ဖေဖော်ဝါရီ ၁၀ ရက်(ယနေ့မနက်) ၇ နာရီဝန်းကျင်ခန့်ကလည်း တောင်ကြီး အဆင်းလမ်း ပစောက်ကွေ့တွင် ၁၂ ဘီးကုန်တင်ကားတစ်စီး အရှိန်လွန်ကာလမ်းဘေးချောက်ထဲ ထိုးကျ သွားပြီး တစ်နာရီနီးပါး ယာဥ်ကြောပိတ်စို့မှုဖြစ်ပွားခဲ့ကြောင်းသိရသည်။
ထိုဖြစ်စဥ်တွင် လူထိခိုက်မှု အတိအကျ မသိရပါ။” တောင်အဆင်းလမ်းက ခဏခဏဖြစ်တယ် ဖြစ်လိုက်ရင်လဲကားကြီးသမားတွေပဲ လမ်းမလွတ်တာလဲပါသလို တစ်ချို့ခါလီတွေက အဆင်းလမ်းကို အရှိန်ကောင်းကောင်း မထိန်းဘူး ၊ အတက်လမ်းကသိပ်မဖြစ်ဘူး အဆင်းလမ်းပဲ ဖြစ်တာ ” ဟု တောင်ကြီး မြို့ခံတစ်ဦးကပြောသည်။
ညပိုင်းအချိန် ထို့သို့ ကားကြီးများချောက်ထဲ ကျလျှင် ယာဥ်ကြောပိတ်စို့မှုများ အနည်းဆုံး ၃ နာရီ ကြာပြီး လမ်းခရီးကြန့်ကြာမှုများဖြစ်ပွားတတ်ကြောင်းဆိုသည်။
တောင်ကြီး အနောက်မြို့ပတ်လမ်းပေါ် တွင် ၁၂ ဘီးကုန်တင်ကားကြီးများ နေ့စဥ် ရာနှင့်ချီဖြတ်သန်းနေပြီး အများစုမှာ ကျောက်မီးသွေးတင်ကားကြီးများဖြစ် ပြီးကုန်ပစ္စည်းများကို အလုံပိတ်တင်ဆောင် လာသည့်ကားကြီးများလည်းနေ့စဥ်တွေ့မြင်နေရကြောင်း မြို့ခံများထံမှ ဆက်လက်သိရသည်။
Photo credit zom pha