ကရင်နီပြည်နယ်အတွင်း ခရီးသွားလာကြမည့် ပြည်သူများ မိမိတို့ အသက်အန္တရာယ် လုံခြုံရေးအတွက် အောက်ပါလမ်းပိုင်းများကို ယနေ့မှစတင်၍ အသုံးမပြုကြပါရန် ကရင်နီအမျိုးသားရေးများကာကွယ် ရေးတပ် KNDF မှ အထူးသတိပေး တားမြစ်ထား ကြောင်း သိရသည်။
ဒီးမော့ဆို၊ ဖရူဆို၊ ထားလဲ၊ နန်းဖဲ၊ ဘောလခဲ လမ်းမကြီးတစ်လျှောက်နှင့် အဆိုပါ လမ်းမကြီးနှင့်ချိတ် ဆက်ထားသော လမ်းသွယ်အားလုံးကို ၂၀၂၆ ခုနှစ်၊ ဖေဖော်ဝါရီလ ၆ ရက်နေ့မှ စတင်ပြီး မြေပြင် အခြေ အနေ ပြန်လည်ကောင်းမွန်းသည့်အချိန် မရှိမချင်း ရက်အကန့်အသတ်မရှိ ပိတ်သိမ်းလိုက်သည်ဟု ထုတ်ပြန် ချက်တွင်ပါရှိသည်။
ဖေဖော်ဝါရီလ ၅ ရက်နေ့မှစ၍ စစ်ကောင်စီ စစ် ကြောင်းများဖရူဆို၊ ထားလဲ လမ်းပိုင်းနှင့် နန်းဖဲကျေးရွာဘက်သို့ စစ်ကြောင်းများထိုးဝင်ရောက်လာသောကြောင့် တော်လှန်တပ်ဖွဲ့များနှင့် ထိတွေ့တိုက်ပွဲများ ပြင်းထန်နေကြောင်း သိရသည်။
လက်ရှိတွင် နှစ်ဖက်စစ်ရေးအခြေအနေမှာ အလွန်တင်းမာနေပြီး ခရီးသွားလမ်းကြောင်းများနှင့် နီးစပ်နေသဖြင့်မိဘပြည်သူများအနေဖြင့် အဆိုပါလမ်းပိုင်းများကို လုံးဝ အသုံးမပြုကြပါရန်နှင့် ဘေးကင်းရာတွင် နေထိုင်ကြရန်လည်း KNDF က အရေးပေါ်ထုတ်ပြန်ထားသည်။