ကရင်နီအမျိုးသားများ ကာကွယ်ရေးတပ် (KNDF) ၊ အင်းလေး PDF ၊ ရှမ်း ( တောင် ) PDF ၊ ဓနုပြည်သူ့လွတ် မြောက်ရေး တပ်တော် (DPLA) တို့ရဲ့ အဖွဲ့ဝင်၊ စုစုပေါင်း၂၄ ဦးဟာ လက်နက် ၊ ခဲယမ်းတွေ နဲ့အတူ ဥပဒေဘောင်အတွင်း ပြန် လည်ဝင်ရောက်လာတယ်လို့ စစ်ကော်မရှင်က ဒီကနေ့ ဖေဖော်ဝါရီလ ၃ ရက်နေ့မှာ သတင်းထုတ်ပြန်ထားပါတယ်။
အလင်းဝင်လာသူတွေကို ဖေဖော်ဝါရီလ ၂ ရက် မနေ့က တောင်ကြီးမြို့ ၊ အရှေ့ပိုင်းတိုင်းစစ်ဌာန ချုပ်မှာ ဆုချီးမြှင့်ခဲ့တယ်လို့ ထုတ်ပြန်ချက်အရသိရပါတယ် ။
စစ်ကော်မရှင်ဆီကို ဝင်ရောက်သူတွေထဲမှာ KNDF ၃ ဦး ၊ အင်းလေး PDF ၁ ဦး ၊ ရှမ်း ( တောင် ) PDF ၂ ဦး ၊ DPLA က အမျိုး သား ၁၂ ဦး နဲ့ အမျိုးသမီး ၆ ဦး စုစုပေါင်း အမျိုးသား ၁၆ ဦး ၊ အမျိုးသမီး ၆ ဦး ဝင်ရောက်လာပြီး သူတို့ဟာ တောင်ကြီး၊ ညောင်ရွှေ ၊ ကလော ၊ ရပ်စောက် ၊ ရွာငံမြို့၊ ပင်းတယမြို့ ၊ မိုးဗြဲ – ဖယ်ခုံမြို့ ၊ လွိုင်ကော်မြို့နယ် ကဖြစ်တယ်လို့ ထုတ်ပြန်ချက်မှာဖော်ပြထားပါတယ်။
ထုတ်ပြန်တဲ့စာရင်းအရ မောင်းပြန်ရိုင်ဖယ် နှစ်လက် ၊ ကျည်အိမ် သုံးခု ၊ ကျည်အတောင့် ၄၀ ယူဆောင်လာကြပြီး သေနတ်တစ်လက်ကို ဆုငွေ သိန်း ၅၀ ကျပ် နဲ့ အလင်းဝင်လာသူအား လုံးကို ဆုငွေ ၂သိန်းကျပ်နှုန်းနဲ့ ပေးအပ်ခဲ့တယ်လို့ ထုတ်ပြန်ချက်အရ သိရပါတယ်။
စစ်ကော်မရှင် ထုတ်ပြန်တဲ့ အကြောင်းအရာနဲ့ပတ်သက်ပြီး သက်ဆိုင်ရာ ပြည်သူ့ကာကွယ်ရေးတပ်တွေကနေ တစ်စုံတစ် ရာ ထုတ်ပြန်ပြောဆို ထားခြင်းမရှိသေးပေမဲ့ အင်းလေး PDF ကတော့ သူတို့တပ်ရင်းက မဟုတ်ကြောင်း တုန့်ပြန် ပြောဆိုထားပါတယ်။