ကမ္ဘာ့ရွှေဈေးမြှင့်တက်မှုနှင့်အတူ ပြည်တွင်း ရွှေဈေးကွက်သည်လည်း လိုက်ပါမြှင့်တက်ကာ လက်ရှိ မြန်မာ့ရွှေစျေး ၁၆ ပဲရည် တစ်ကျပ်သားကို ကျပ်သိန်း ၁၀၇ အထိ ရှိနေပြီး ရွှေ့ဆိုင်အချို့နှင့် ရွှေအရောင်းအဝယ်လုပ်သူများ စျေးကွက်မှာ အရောင်းပိတ်ထားကြောင်း သိရပါသည်။
ယနေ့ ဇန်နဝါရီလ ၂၇ ရက် နံနက်ပိုင်းက ကမ္ဘာ့ရွှေစျေးသည် တစ်အောင်စ ၅၀၈၀ ဒေါ်လာဖြစ်ကာ မြန်မာ့ ရွှေစျေးသည်လည်း ၁၆ ပဲရည် တစ်ကျပ်သားကို အရောင်းစျေး ၁၀၅ သိန်း ၇ သောင်း ကျပ်ရှိပြီး အဝယ်စျေးကို ၁ သိန်းကျပ်ခွာထားကြောင်း ရွှေအရောင်းအဝယ်လုပ်သူများထံမှ သိရသည်။
ယနေ့ မွန်းလွှဲပိုင်းအချိန်မှာတော့ ၁၆ ပဲရည် တစ်ကျပ်သားကို ၁၀၇ သိန်းကျော်ထိ ရောက်ရှိသွားပြီး စျေးတွေဆက်တိုက်တက်နေကာ အချိန်နဲ့အမျှစျေးနှုန်းများပြောင်းလဲနိုင်ကြောင်း သိရပါသည်။
ရွှေစျေးနှုန်းမြင့်တက်နေတာသည် ကမ္ဘာ့နိုင်ငံရေးနဲ့ ပထဝီဆိုင်ရာ မတည်ငြိမ်မှုများကြောင့် ဘေးကင်းတဲ့ ရင်းနှီးမြုပ်နှံမှုအဖြစ် ရွှေ အပေါ် စိတ်ဝင်စားမှု မြင့်တက်လာသဖြင့် ရွှေစျေးနှုန်း မြင့်တက်လာကြောင်း သိရသည်။
မြန်မာ့ရွှေစျေး စံချိန်တင်မြင့်တက်ရခြင်းမှာ ကျပ်ငွေတန်ဖိုးကျဆင်းနေခြင်းနှင့် ကမ္ဘာ့ရွှေစျေး မြင့်တက် လာခြင်းကြောင့် ဖြစ်ပြီး စျေးကွက်များထဲမှာလည်း ဝယ်သူမရှိသလောက် နည်းပါးနေကြောင်း သိရသည်။