မြန်မာနိုင်ငံမှာ စစ်တပ်က အာဏာသိမ်းလိုက်တဲ့ ၂၀၂၁ ခုနှစ် ဖေဖော်ဝါရီလ ၁ ရက်နေ့မှ ၂၀၂၆ ခုနှစ် ဇန်နဝါရီလ ၂၃ ရက်နေ့အထိ အကြမ်းဖက်စစ်အုပ်စုနဲ့ ၎င်းရဲ့လက်ပါးစေတွေကြောင့် သေဆုံးသွားတဲ့ ဒီမိုကရေစီအရေးလှုပ်ရှားသူများနဲ့ ပြည်သူ စုစုပေါင်း ၇၇၀၅ ဦး အထိရှိလာတယ်လို့ နိုင်ငံရေး အကျဉ်း သားများကူညီစောင့်ရှောက်ရေးအသင်း (AAPP) က ယမန်နေ့က ထုတ်ပြန်ပါတယ်။
ဒီသေဆုံးမှုဖြစ်စဥ်တွေမှာ စစ်တပ်ရဲ့ လေကြောင်းတိုက်ခိုက်မှုကြောင့် အများဆုံးသေဆုံးခဲ့တာဖြစ်ပြီး လက်နက်ကြီး ပစ်ခတ်မှုနဲ့ နည်းလမ်းမျိုးစုံ သတ်ဖြတ်ခံရတာတွေကြောင့် သေဆုံးခဲ့တာလို့ ဆိုပါတယ်။
သေဆုံးသူတွေထဲမှာ ကလေးသူငယ် ၉၉၆ ဦးနဲ့ အမျိုးသမီး ၂၀၂၀ ဦး ပါဝင်တယ်လို့ ထုတ်ပြန်ချက်ထဲမှာ ရေးသားဖော်ပြထားပါတယ်။
ဒါ့အပြင် စစ်တပ်ရဲ့ မတရားအာဏာသိမ်းဖြစ်စဉ်နဲ့ ဆက်စပ်ပြီး ဖမ်းဆီးခံခဲ့ရသူ စုစုပေါင်း ၃၀၃၂၃ ဦး ရှိပြီး အဲ့ဒီအထဲမှ ၂၂၇၄၅ ဦးမှာ ထိန်းသိမ်းခံနေရဆဲဖြစ်တယ်လို့ ဆိုကာ ဖော်ပြပါ အချက်အလက်တွေကို AAPP မှ လက်လှမ်းမှီသလောက်ကောက်ယူထားတာဖြစ်တယ်လို့ ဆိုပါတယ်။
Photo – အရာတော်မြို့နယ်၊ ကန်ရင်းရွာ မူကြိုကျောင်း ဗုံးကျဲတိုက်ခိုက်ခံရပုံ