ယမန်နေ့ ဇန်နဝါရီလ ၂၀ ရက် နံနက်ပိုင်းက သျှမ်းပြည်နယ်တောင်ပိုင်း၊ မိုင်းပန်မြို့နယ်ရှိ သံလွင်မြစ်ကူး တံတား(တာဆန်း)ကို စစ်ခေါင်းဆောင် ဗိုလ်ချူပ်မှူးကြီး မင်းအောင်လှိုင် က တက်ရောက်ဖွင့်လှစ်ပေး ခဲ့တယ်လို့သိရပါတယ်။
တာဆန်းတံတားအဟောင်းမှာ ၁၆ တန် သာ ခံနိုင်ဝန်ရှိတာကြောင့် အလေးချိန်တန် ၆၀ အထိ ခံနိုင်တဲ့ တံတားအသစ်တည်ဆောက်နိုင်ဖို့ ပြီးခဲ့တဲ့ ၂၀၁၉ ခုနှစ် ဖေဖော်ဝါရီလ ၆ ရက်က နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်တိုင်သွားရောက် ပန္နက်ချခဲ့တာဖြစ်ပါတယ်။
အခု သံလွင်မြစ်ကူးတံတား(တာဆန်း)ဟာ သျှမ်းပြည်နယ်တောင်ပိုင်းနဲ့ သျှမ်းပြည်နယ်အရှေ့ပိုင်းကို ဆက်သွယ်ထားတဲ့ တံတားဖြစ်ပြီး တံတားအရှည် ၈၇၆ ပေရှိကာ ယာဥ်သွားလမ်းအကျယ် ၂၃ ပေ၊ ဆိုင်ကယ်လမ်း တစ်ဖက် ၅ ပေစီနဲ့ စုစုပေါင်း တံတားအကျယ် ၃၃ ရှိတဲ့ သံမဏိသံပေါင်တံတား ဖြစ်ကာ ပေ ၉၀၀ ရှိ ကြိုးတံတားအဟောင်းရဲ့ အနီးမှာ တည်ဆောက်ထားတာဖြစ်တယ်လို့ သိရပါတယ်။
ယခုတံတားအသစ် တည်ဆောက်ပြီးစီးခဲ့တာကြောင့် သျှမ်းပြည်နယ်တောင်ပိုင်းရှိ တောင်ကြီး− နမ့်စန် −မိုးနဲ−လင်းခေး−မိုင်းပန်နဲ့ သျှမ်းပြည်နယ်အရှေ့ပိုင်းရှိ မိုင်းတုံ−မိုင်းဆတ်−တာချီလိတ် တို့ကို အလွယ်တကူ ကုန်စည်ကူးသန်းသွားလာမှု ပိုမိုမြန်ဆန်လာမှာပဲဖြစ်ပါတယ်။