သျှမ်းပြည်တောင်ပိုင်း လွိုင်လင်-နမ့်စန် ပြည်ထောင်စုလမ်းမကြီးမှာ ခရီးသည်တင်ယာဉ်(၁)စီး ချောက်ထဲကျကာ တစ်ဦးသေဆုံးပြီး (၉)ဦး ဒဏ်ရာရရှိခဲ့တယ်လို့ ကူညီကယ်ဆယ်ရေးအဖွဲ့တွေဆီက သိရပါတယ်။
အဲ့ဒီဖြစ်စဥ်ဟာ ဇန်နဝါရီ ၁၇ ရက် နံနက် ၁၀ နာရီဝန်းကျင်လောက်က လွိုင်လင်-နမ့်စန် ပြည်ထောင်စုလမ်းမကြီးက မိုင်တိုင်အမှတ် (၁၇၇/၁) နဲ့ (၁၇၇/၂) ကြားမှာ ဖြစ်ပွားခဲ့တယ်လို့ သိရပါတယ်။
ယာဉ်တိမ်းမှောက်မှုကြောင့် ယာဉ်ပေါ်လိုက်ပါလာတဲ့ ခရီးသည်(၁၁)ဦးအနက် အမျိုးသားတစ်ဦး သေဆုံးပြီး ထိခိုက်ဒဏ်ရာ ရရှိသူ အမျိုးသား(၃)ဦး ၊ အမျိုးသမီး (၆)ဦး တို့ကို လွိုင်လင်ခရိုင် မီးသတ်စခန်းက လူနာတင် ယာဉ်(၁)စီး၊ နမ့်စန်မြို့နယ် ကြက်ခြေနီအသင်းမှ လူနာ တင်ယာဉ်(၁)စီးနဲ့ တောင်တန်းလူငယ်ပရဟိတအသင်း ယာဉ်(၁)စီးတို့နဲ့ လွိုင်လင်ခရိုင်ပြည်သူ့ဆေးရုံကို ကူညီပို့ဆောင်ပေးခဲ့တယ်လို့ ကယ်ဆယ်ရေးအဖွဲ့တွေ ဆီကသိရှိရပါတယ်။
Photo – မြန်မာနိုင်ငံ မီးသတ်တပ်ဖွဲ့