စစ်ကော်မရှင်ရဲ့ရွေးကောက်ပွဲ အပိုင်း ၁ နဲ့ ၂ မှာ ရှမ်းနှင့်တိုင်း ရင်းသားများ ဒီမိုကရက်တစ်ပါတီ (ကျားဖြူပါတီ) က သျှမ်း ပြည်နယ်အတွင်းက မြို့နယ် ၅ မြို့နယ်မှာ အနိုင်ရထားတယ်လို့ ကျားဖြူပါတီကထုတ်ပြန်ထားပါတယ် ။
စစ်တပ်ရဲ့ ရွေးကောက်ပွဲ အပိုင်း(၂) ဟာ ရွာငံ၊ ဆီဆိုင်၊ ကလော၊ရပ်စောက်၊ မောက်မယ်၊ မိုင်းခတ်၊ မိုင်းပျင်း၊ မိုင်းဖက်၊ တန့်ယန်း၊ ကွန်ဟိန်း၊ မိုင်းတုံ၊ မိုင်းယောင်း၊ မိုင်းရယ်၊ မိုင်းပန်၊ လဲချား မိုင်းကိုင်၊ မိုင်းဖြတ် မြို့နယ်စုစုပေါင်း ၁၇ မြို့နယ်မှာ ကျင်းပခဲ့ပါတယ်။
ရွေးကောက်ပွဲ အပိုင်း ၁ မှာ ကျားဖြူပါတီအနေနဲ့ သျှမ်းပြည် နယ်၊ လင်းခေးနဲ့ မိုးနဲ မြို့နယ်များမှာအနိုင်ရရှိထားပြီး၊ ရွေး ကောက်ပွဲ အပိုင်း ၂ မှာတော့ လဲချား၊ မိုင်းကိုင်၊ ကွန်းဟိန်း တွေမှာ အနိုင်ရထားတာဖြစ်လို့ စုစုပေါင်း ၅ မြို့နယ်မှာ ကိုယ် စားလှယ် ၈ ဦး အနိုင်ရရှိထားတယ်လို့ သိရပါတယ်။
ဒါပေမဲ့ သျှမ်းတိုင်းရင်းသားအများစုနေထိုင်တဲ့ မိုင်းရယ်နဲ့တန့်ယန်းမြို့နယ်မှာတော့ ရှမ်းပါတီ ဖြစ်တဲ့ ကျားဖြုပါတီကမဲရှုံး သွားပြီး စစ်တပ်ကျောထောက် နောက်ခံပါတီဖြစ်တဲ့ ကြံ့ခိုင်ရေးပါတီကသာ အနိုင်ရသွားခဲ့ပါတယ်။
လာမယ့် ဇန်နဝါရီလ ၂၅ ရက်နေ့မှာ ကျင်းပမယ့် ရွေး ကောက်ပွဲ အပိုင်း ၃ မှာတော့ ကျားဖြူပါတီ အနေနဲ့ ရှမ်းပြည်နယ်က မက်မန်း၊ ပင်လောင်း၊ ညောင်ရွှေ၊ ဖယ်ခုံ၊ မိုးနဲ၊ ကျေးသီး၊ မိုင်းရှူး၊ သီပေါ၊ ကျောက်မဲ စတဲ့ မြို့နယ် ၉ မြို့နယ်မှာ ပါဝင်သွားမယ်လို့ သိရပါတယ်။