အင်းစိန်ထောင်မှာ ဖမ်းဆီးခံထားရတဲ့မော်ဒန် နန်းမွေစံ ဟာ ဒီကနေ့ ဖေဖော်ဝါရီ ၄ ရက်မှာစစ်ကော် မရှင်ပေးတဲ့ လွတ်ငြိမ်း ချမ်းသာခွင့်နဲ့ ပြန်လည်လွတ်မြောက်လာပြီ လို့ သိရပါတယ်။
စစ်ကောင်စီက နန်းမွေစံကို အီလက်ထရောနစ်ပုဒ်မ ၃၃(က) ကာယိန္ဒြေပျက်ပြားစေတဲ့ အဖော်အချွတ်ဓာတ်ပုံတွေနဲ့ ဗွီဒီယိုတွေကို လူမှုကွန်ရက်မှာ အခကြေး ငွေရယူကာ ဖြန့်ဝေတယ်ဆိုတဲ့ စွပ်စွဲချက်နဲ့ တရားစွဲဆိုထောင်ချ ခဲ့တာဖြစ်ပါတယ်။
နန်းမွေစံကို စစ်တပ်က ၂၀၂၂ ခုနှစ် သြဂုတ်လအတွင်းမှာ ဖမ်းဆီးခဲ့တာဖြစ်ပြီး ယခင်နှစ်တွေကပေးတဲ့လွတ်ငြိမ်းတွေထဲ ပါဝင်လာခြင်းမရှိပဲ ၃ နှစ်ပြည့် မှသာ လွတ်ငြိမ်း နဲ့ပြန်လည်လွတ်မြောက်လာတာဖြစ်ပါတယ်။
၂၀၂၂ ခုနှစ် မေလမှာ နန်းမွေစံ ပြည်ပထွက်ခွာခွင့် ပိတ်ပင်ခံခဲ့ရပါတယ် ။ ဖခင်ဖြစ်သူကို ဘန်ကောက်မှာ ဆေးကုသဖို့ အ တွက် နိုင်ငံကူးလက်မှတ် သက်တမ်းတိုးချိန်မှာ ရန်ကုန်နိုင်ငံကူးလက်မှတ်ထုတ်ပေးရေးရုံးကသိမ်းဆည်းလိုက်တာပါ ဒါ့ကြောင့် ဖခင်ဖြစ်သူ ဒေါက်တာစိုင်းဆန်းဝင်းက ဆေးကုသမှုမရလိုက်တဲ့အတွက် ကွယ်လွန်ခဲ့တယ်လို့ နီးစပ်သူတွေဆီကသိရပါတယ်။
နန်းမွေစံဟာဆရာဝန်တစ်ဦး ဖြစ်ပြီး ခန္ဓာကိုယ်အလှ Sexy ပုံတွေကို Facebook ပေါ်တင်လို့ဆိုပြီး မြန်မာနိုင်ငံ ဆေးကောင်စီက ဆေးကုသခွင့် ဆမ လက်မှတ် အသိမ်းခံခဲ့ရပါတယ်။
နန်းမွေစံဟာ နိုင်ငံရေးနဲ့ပတ်သက်တဲ့ speak out တွေကို လူမှုကွန်ရက်မှာ အင်္ဂလိပ် လိုပြောဆိုခဲ့ဖူးသလို ဆန္ဒထုတ်ဖော်ခြင်းများမှာလဲပါဝင်ခဲ့ပါတယ် ။