သျှမ်းပြည်မြောက် ပိုင်း၊ သီပေါ နှင့် လားရှိုးကြားရှိ သီပေါ တံတားကို ဒီဇင်ဘာ ၁ ရက်နေ့ အထိ မည်သည့်ယာဥ်/ကားများမှဖြတ်သန်းခွင့်မပြုသေးကြောင်း သီပေါ ဒေသခံများထံမှသိရသည် ။
” သီပေါတံတားဒီနေ့မနက်ပိုင်းအထိမဖွင့်သေးပါဘူး သတင်းအမှားတွေကြောင့်ပြည်သူတွေပိုဒုက္ခရောက် တယ် ၊ ဒီနေ့မနက်ပိုင်းအထိတံတားပေါ်ကားတွေဆိုင်ကယ်တွေဖြတ်သန်းခွင့်မရသေးပေမဲ့လူကတော့ အချိန်ပိုင်းအလိုက်တံတားပေါ်လမ်းလျှောက် ဖြတ်သန်းခွင့်ရနေတာတွေ့ရပါတယ် ” ဟု ကိုယ်တိုင်ကြုံတွေ့သူပြည်သူတစ်ဦးကပြောသည်။
သီပေါတံတားပိတ်စို့လိုက်ခြင်းကြောင့် မန္တလေးမှ လားရှိုးသို့သွားလိုလျှင် ရှမ်းပြည် တောင်ပိုင်းလမ်းများကိုတစ်ပါတ် ပတ်လာရသည့်အတွက် လမ်းခရီးတွင် လေးညအိပ်၊ ငါးရက် ခန့်အထိ အချိန်ကြာမြှင့်ပြီး မန္တလေး – လားရှိုး ပြည်ထောင်စု လမ်းမ ကြီးမှ ဒဲ့ ဖြတ်သန်းခွင့် ရလျှင် ညအိပ်ဖို့ မလို တဲ့ အထိ အချိန်ကုန် သက်သာနိုင်ကြောင်း ၄င်းကဆိုသည်။
သီပေါ နှင့် လားရှိုးကြားရှိ သီပေါတံတားကို ပြီးခဲ့သည့် နိုဝင်ဘာလ ၁၄ ရက်နေ့ကစပြီး စစ်ကောင်စီ တပ်နှင့် ကိုးကန့် MNDAA တပ်ဖွဲ့တို့အကြား စစ်ရေးတင်းမာမှု အခြေအနေကြောင့် နှစ်ဖက် တပ်ဖွဲ့က သီပေါ တံတားဖြတ်သန်းခွင့် အပြန်အလှန်ပိတ်စို့ထားခြင်းဖြစ်သည် ။