သျှမ်းပြည်တောင်ပိုင်း ၊ အောင်ပန်းမြို့ ၊ မင်္ဂလာရပ် ကွက်မှာကားပျက်လို့ ရပ်ထားတဲ့ သဲကားကို ဝင်တိုက်မိတဲ့ အိမ်စီးကားထဲက အမျိုးသား ၃ ဦး သေ ဆုံး ပြီးတစ်ဦးအပြင်းအထန် ဒဏ်ရာရရှိခဲ့တယ်လို့ လူမှုကယ်ဆယ်ရေးအသင်းတွေဆီက သိရပါတယ်။
” ရပ်ထားတဲ့ကားလဲ လမ်းဘေးလွတ်ကျွတ်ရာမရပ်ထားသလို မီးမပါရောင်ပြန်မပါဘူး၊ အရှိန်ပြင်းပုံရပါတယ် အရှိန်ပါရင်ကွေ့ကြောတွေ ထိန်းဖို့မလွယ်ဘူး ၊ အောင်ပန်းမှာ ဒီလိုပဲရပ်ထားတဲ့ကားကို ဝင်တိုက်တဲ့ဖြစ်စဥ်က ခဏခဏကြားနေရတယ် ” လို့ မျက်မြင်တွေ့ရှိသူတစ်ဦးကပြောပါတယ်။
အောင်ပန်းမြို့ ၊ မင်္ဂလာရပ်ကွက် ၊ ပျားမွေးမြူရေး ခြံရှေ့ အနီး မှာ နိုဝင်ဘာလ ၂၈ ရက် ညနေပိုင်း ၆ နာရီ ခွဲကျော်ခန့်ကကားပျက်လို့ ရပ်ထားတဲ့ သဲတင်ကားအပြာ ရဲ့ ကားအနောက်ဘက် ကို Mark – X အမျိုးအစား အိမ်စီးကား ဝင်တိုက်မိပြီး ကားပေါ်ပါ လာတဲ့ အမျိုးသား ၄ ဦးအနက် ၃ ဦးမှာ အခင်းဖြစ်တဲ့နေရာမှာတင် ပွဲချင်းပြီး သေဆုံးခဲ့ပြီး ကျန်အမျိုးသားတစ်ဦးကတော့ ဒဏ်ရာအပြင်း အထန်ရရှိတဲ့အတွက် အောင်ပန်းဆေးရုံက တစ်ဆင့် ကလောဆေးရုံ လွဲပြောင်းပေးထားတယ်လို့ သိရပါတယ် ။