မကြာခင် ကျင်းပတော့မယ့် ရွေးကောက်ပွဲမှာ မဲပေးပိုင်ခွင့် မဆုံးရှုံးစေဖို့နဲ့ လွတ်လပ်စွာ ဆန္ဒမဲပေးနိုင်ဖို့ဆိုပြီး ၅၀၅ (က)နဲ့ ပြစ်မှုထင်ရှားစီရင်ခံရပြီး အကျဥ်းထောင်၊ အချုပ်ထောင်၊ အကျဥ်းစခန်း အသီးသီးမှာ ပြစ်ဒဏ်ကျခံလျက်ရှိတဲ့ အကျဥ်းသား/သူ ၇၂၄ ဦးကို ပြစ်ဒဏ်မှ လွတ်ငြိမ်းခွင့်ပြုလိုက်တယ်လို့ စစ်ကော်မရှင်က ယနေ့ညမှာ ထုတ်ပြန်ကြေညာသွားပါတယ်။
နောက်တစ်ကြိမ် ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန် ကျန်ရှိတဲ့ ပြစ်ဒဏ်များကိုပါ ဆက်လက်ကျခံရမယ်လို့ သတ်မှတ်ပြီး ကျန်ရှိတဲ့ ပြစ်ဒဏ်များအပေါ် လျှော့ပေါ့ပြီး ပြစ်ဒဏ်မှ လွှတ်ငြိမ်းခွင့်ပြုလိုက်တယ်လို့ အမျိုးသားကာကွယ်ရေးနှင့်လုံခြုံရေးကောင်စီ က ထုတ်ပြန်ထားပါတယ်။