သျှမ်းပြည်နယ်တောင်ပိုင်း၊ တောင်ကြီးမြို့ပေါ်ရှိ ရပ်ကွက်နဲ့ နယ်မြေတစ်ချို့မှာ ဂိမ်းဆိုင် အမည်ခံ ထားကာ လောင်းကစားဝိုင်း၊ ကြက်ဝိုင်းတွေ ပြုလုပ်နေပြီး သက်ဆိုင်ရာ အာဏာပိုင်တွေကလည်း မသိချင်ယောင်ဆောင်ထားတယ်လို့ ဘုရားဖြူရပ်ကွက်နေသူတွေဆီက သိရပါတယ်။
တောင်ကြီးမြို့ပေါ်ရှိ ဘုရားဖြူရပ်ကွက် နယ်မြေအချို့နဲ့ တောင်ကြီးမြို့ မြောက်ဘက်ရှိ ဗလီလင်း ကျေးရွာ၊ သင်္ဘောကျေးရွာဖက်တို့မှာ ဂိမ်းဆိုင်ဗန်းပြ အမည်ခံဖွင့်ထားပြီး ဆိုင်အတွင်းတွင် လောင်းကစားဝိုင်း၊ ကြက်ဝိုင်းနဲ့ ဖဲဝိုင်းများ တွင်တွင်ကျယ်ကျယ် ပြုလုပ်နေပြီး စစ်တပ်နဲ့ ၎င်းလက်အောက်ခံ ပအိုဝ်းပြည်သူ့စစ် PNO အဖွဲ့တို့က လိုင်းကြေးယူကာ အဆိုပါ လောင်းကစားဝိုင်း တွေကို မျက်ကွယ်ပြုထားတယ်လို့ သိရပါတယ်။
တောင်ကြီးမြို့ပေါ်ရှိ ရပ်ကွက်များအတွင်း လောင်းကစားဝိုင်း များပြားလာမှုတာကြောင့် နောက်ဆက်တွဲ ဆိုးကျိုးမျာေအနေနဲ့ ခိုးဆိုးလုနှိုက်မှုတွေ အိမ်တွင်းပစ္စည်းခိုးယူတာတွေ ဖြစ်ပေါ်လာနိုင်ပြီး အထူးသဖြင့် လောင်းကစားဝိုင်းနဲ့ နီးကပ်စွာ နေထိုင်ကြတဲ့ ပြည်သူများအနေဖြင့်လည်း သတိဝိရိယထား နေထိုင်ကြရန် နေအိမ်အတွင်းဆို င်ကယ်အခိုးခံရသူ ပြည်သူတစ်ဦးက အကြုံပြုထားပါတယ်။
တောင်ကြီးမြို့မှာ နေ့စဥ်ဆိုင်ကယ်ပျောက်ဆုံးတာတွေ နေအိမ်ဖောက်ထွင်းပြီး ပစ္စည်း အခိုးခံရတာတွေ မကြာခဏ ဖြစ်ပေါ်နေပေမယ့် သက်ဆိုင်ရာတွေရဲ့ ဖမ်းဆီးအရေးယူနိုင်မှု အားနည်းနေတယ်လို့ မြို့ခံတွေက ပြောပါတယ်။