မိုးကုတ်မှာ တကျော့ပြန် တိုက်ပွဲဖြစ်ပွားလာမှာကို စိုးရိမ်တဲ့အတွက် မြို့ခံအများစု ယာယီနေရပ်စွန့်ခွာပြီး စစ်ရှောင်ရန်အတွက် ကားခစျေးနှုန်းများ မြင့်တက်မှုကြောင့် ဒေသခံအချို့ နေရပ်မစွန့်ခွာနိုင်ဘူးလို့ သိရပါတယ်။
မိုးကုတ်မြို့ကနေ ယာယီနေရပ်စွန့်ခွာလာသူ တစ်ရက်တစ်ခြား တိုးလာတဲ့အတွက် ကားခစျေးနှုန်း များလည်း မြင့်တက်လာကာ မိုးကုတ်−မန္တလေး ခရီးစဥ်ကို ကျပ် ၄ သိန်းမှာ ၆ သိန်းကျော် အထိ ရှိတယ်လို့ သိရပါတယ်။
အချို့နေရပ်စွန့်ခွာလိုသူတွေက ယာဥ်စီးခတွေ မတတ်နိုင်တာကြောင့် မြို့မှာ ကျန်ရှိနေသေးပြီး လက်ရှိအချိန်မှာ မိုးကုတ်မြို့ပေါ်ရှိ စျေးဆိုင်တွေ တော်တော်များများ ပိတ်ထားကာ မြို့တွင်း လမ်းပေါ်မှာလည်း လူသွားလူလာ တိတ်ဆိတ်နေတယ်လို့ သိရပါတယ်။
တရုတ်ရဲ့ ကြားဝင်စီစဥ်မှုကြောင့် စစ်တပ်နဲ့ TNLA တို့ အပစ်ရပ်ကာ မိုးကုတ်နဲ့ မိုးမိတ်တို့မှ ပြန်လည်ဆုတ်ခွာဖို့ TNLA က သဘောတူလက်မှတ်ရေးထိုးပြီး တစ်ဖက်မှာလည်း မိုးကုတ်မြို့ကို စစ်တပ်လက်ထဲ ပြန်မရောက်ရေးအတွက် ဒေသတွင်းတော်လှန်ရေးတပ်ဖွဲ့များက ဆက်လက်ခုခံ ကာကွယ်သွားမယ်လို့ ထုတ်ပြန်ထားတဲ့အတွက် တိုက်ပွဲပြန်လည်ဖြစ်ပွားမှာ စိုးရိမ်တဲ့အတွက်ကြောင့် မြို့ခံအများစုက ကြိုတင်ရှောင်လာကြတယ်လို့ သိရပါတယ်။