လာမည့် ဒီဇင်ဘာလ ၂၈ ရက်နေ့တွင် စတင်ကျင်းပမည့် စစ်ကောင်စီဦးဆောင်သည့် ရွေးကောက်ပွဲအား ပြည်တွင်းအနုပညာရှင်များစွာက ဝါဒဖြန့် စည်းရုံးလှုံ့ဆော်မှု ပြုလုပ်ပေးနေရ ကြောင်း သိရသည်။
စစ်ကောင်စီ ရွေးကောင်ပွဲ ထောက်ခံကြောင်းရွေးကောက်ပွဲနှင့်ပတ်သက်၍ဆောင်ပုဒ်အမျိုးမျိုးကို ကိုင်ဆောင်ပြီး အနုပညာရှင်များစွာမှ ဝါဒဖြန့်စည်းရုံးလှုံ့ဆော်နေသည့် ရုပ်သံဖိုင်များ ကို စစ်ကောင်စီ ဝါဒဖြန့် MRTV ချန်နယ်အပါအဝင် လူမှုကွန်ပလက်ဖောင်းများမှ ထုတ်လွှင့်ပြသနေသည် ကို တွေ့ရသည်။
လတ်တလော စစ်ကောင်စီ ရွေးကောက်ပွဲ အတွက် ဝါဒဖြန့် စည်းရုံးလှုံ့ဆော်နေ သည့် အနုပညာရှင်အဆိုတော် ၂၁ ရှိကြောင်းသိရသည်။
၎င်းတို့မှာ အောင်လ၊ ဝေလ၊ ဖိုးကာ၊ ရဲရင့်အောင်၊ အောင်ထက်၊ ဖြိုးပြည့်စုံ၊ ဟန်နေတာ၊ နီနီခင်ဇော်၊ မိစန္ဒီ၊ ချမ်းမြေ့မောင်ချို၊ မေလသံစဥ်၊ အိမ့်ချစ်၊ အေးမြဖြူနဲ့ လိမ္မော်သီး၊ ကိုင်ဇာ၊ မိုးယံဇွန်၊ နန်းဆုရတီစိုး၊ ရတနာမိုင်၊ ထွန်းကိုကို၊ ယွန်းယွန်းနှင့် သဥ္ဇာတို့ ပါဝင်ကြောင်း သိရသည်။
ဂီတ၊ ရုပ်ရှင်၊ သဘင် စသည့် အနုပညာရှင်များစွာကို ရွေးကောက်ပွဲအတွက် ဝါဒဖြန့်ပေးရမည်ဟု စစ်ကောင်စီမှ ဖိအားခြိမ်းခြောက်လျက်ရှိနေပြီး ရွေးကောက်ပွဲတွင် ပါဝင်ကူညီဆောင်ရွက်ပေးခြင်းမရှိသည့် အနုပညာရှင်များကို ဖမ်းဆီးအရေးယူနေကြောင်းလည်း သိရသည်။
