၂၀၂၅-၂၀၂၆ ပညာသင်နှစ်အတွက် အခြေခံပညာကျောင်းများတွင် ယနေ့မေ ၂၂ ရက်မှ စတင်ပြီး ကျောင်းအပ်လက်ခံနေပြီး မည်သည့် အခကြေးငွေမျှ ပေးစရာမလိုဟု သိရပါတယ်။
မြို့နယ်အလိုက် သတ်မှတ်နယ်မြေများတွင်သာ ကျောင်းအပ်နှံကြရန်နဲ့ ငွေကြေး (သို့မဟုတ်) လက်ဆောင်ပစ္စည်းများကို ကျောင်းအုပ်၊ ဆရာ၊ ဆရာမများ၊ ဝန်ထမ်းများအား ပေးအပ်ခြင်းမပြုရန် စစ်ကောင်စီရဲ့ ပညာရေးဝန်ကြီးဌာနက အသိပေးထုတ်ပြန်ထားပါတယ်။
“ဒီနေ့ အိမ်က သားလေးကို ကျောင်းသွားအပ်တာ ကျောင်းဝင်ကြေးတွေ ဘာတွေ မပေးရဘူး၊ ပြီးတော့ သူတို့က ကျောင်းသုံးဖတ်စာအုပ်ရယ်၊ ဗလာစာအုပ် က ၁ ဒါဇင်၊ ဘောပင်နဲ့ ခဲတံ ၂ ချောင်းစီ အခမဲ့ ပေးတယ်၊ ကျောင်းဝတ်စုံ ပါ အခမဲ့ပေးမယ်လို့ ကြားပေမယ့် ဒီနေ့ သွားတာတော့ အဲ့ဒါမရခဲ့ဘူး၊ ကျောင်း ဖွင့်တဲ့ရက်မှ ပေးမလားတော့ မသိဘူးပေါ့” လို့ ကျောင်းသားမိဘ တစ်ဦးက Hsan Loi Voice ကို ပြောပါတယ်။
ကျောင်းအပ်နှံရေးသီတင်းပတ်အနေနဲ့ တိုင်းနှင့်ပြည်နယ်အတွင်းက အခြေခံ ပညာကျောင်းများမှာ ကျောင်းသား/သူများကို ယနေ့ မေလ ၂၂ ရက်မှ ဇွန်လ ၁ ရက်နေ့ အထိ ကျောင်းအပ်လက်ခံဆောင်ရွက် သွားမယ်လို့ ပညာရေးဝန်ကြီးဌာနမှ သိရပါတယ်။
Photo – အင်တာနက်(ပုံဟောင်း)