ရုရှားသမ္မတ ဗလာဒီမာပူတင်၏ ဖိတ်ကြားချက်အရ မဟာမျိုးချစ်စစ်အောင်ပွဲကြီး နှစ် ၈၀ နှစ်ပြည့်အထိမ်းအမှတ်အခမ်းအနားပွဲသို့ တက်ရောက်ရန် စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့်ဇနီးဖြစ်သူ ဒေါ်ကြူကြူတို့သည် ယနေ့ မေလ ၇ ရက် နံနက်ပိုင်းအချိန်တွင် နေပြည်တော်လေဆိပ်မှ အထူးလေယာဉ်ဖြင့် ရုရှားနိုင်ငံ၊ မော်စကိုမြို့သို့ထွက်ခွာသွားကြောင်း သိရသည်။
ရုရှားခရီးစဥ်မှာ နှစ် ၈၀ ပြည့်အခမ်းအနားနှင့် ဆက်စပ်အခမ်းအနားများကိုပါ တက်ရောက်သွားမည်ဖြစ်ပြီး အခမ်းအနားသို့ တက်ရောက်လာသည့် နိုင်ငံ့ ခေါင်း ဆောင်များနှင့် ရုရှားနိုင်ငံဖက်ဒရယ်ကောင်စီလွှတ်တော် ဥက္ကဋ္ဌနှင့်လည်း သီးခြားစီတွေ့ဆုံဆွေးနွေးဖွယ်ရှိကြောင်း သိရပါသည်။
ယခုအခါသွားရောက်မည့် ရှရှားနိုင်ငံပြင်ပခရီးစဉ်သည်လည်း နှစ်နိုင်ငံအစိုးရနှင့်ပြည်သူများအကြားချစ်ကြည် ရေး၊ စီးပွားရေး၊ လုံခြုံရေးဆိုင်ရာများ ကဏ္ဍပေါင်းစုံတွင် မဟာဗျူဟာမြောက်ပူးပေါင်းဆောင်ရွက်မှုဆိုင်ရာများပိုမိုတိုးတက် ခိုင်မာအောင်ဆောင်ရွက်သွားမည်ဟုလည်း ထုတ်ပြန်ထားသည်။
ရှရားနိုင်ငံက ၁၉၄၁-၁၉၄၅ မဟာမျိုးချစ်စစ်ပွဲကြီးအောင်ပွဲ နှစ် ၈၀ ပြည့် စစ်ရေးပြလေ့ကျင့်နေစဉ်အချိန်တွင်း၌ ယူကရိန်းက ဒရုန်းဖြင့် ၂ ကြိမ် တိုက် ခိုက်မှု ပြုလုပ်ခဲ့ကြောင်း မော်စကိုမြို့တော်ဝန်က ပြောဆိုထားသည်။
ရှရှားနိုင်ငံကပြလုပ်မည့် ရင်ပြင်နီ နှစ် ၈၀ ပြည့် စစ်ရေးပြပွဲကို တရုတ်၊ မြန်မာ၊ လာအို၊ ဗီယက်နာမ် အပါအဝင် နိုင်ငံပေါင်း ၂၉ နိုင်ငံမှ ခေါင်းဆောင်များတက်ရောက်မည်ဟု RT သတင်းဌာနက ထုတ်ပြန်ထားသည်။