၂၀၂၁ ခုနှစ် ဖေဖေါ်ဝါရီ (၁) ရက်မှစပြီး နိုင်ငံတစ်ဝန်းလုံး အရေးပေါ်ကာလ ကြေညာထားသည်မှာ ယနေ့ ဇန်နဝါရီလ(၃၁) ရက်တွင် (၄)နှစ် သက်တမ်းပြည့်ချိန်မှာ မိမိကိုယ်ကို ယာယီသမ္မတ တာဝန် ယူထားတဲ့ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် က အရေးပေါ်ကာလ နောက်ထပ် ၆ လ တိုးမြင့် သတ်မှတ် လိုက်ကြောင်း သိရပါတယ်။
လွတ်လပ်ပြီး တရားမျှတမှုအပြည့်နဲ့ ကျင်းပနိုင်မယ့် အထွေထွေရွေးကောက်ပွဲကြီးဖြစ်ဖို့ တည်ငြိမ်အေးချမ်းမှု လိုအပ်နေသေးတဲ့အတွက် ဆက်လက်လုပ်ဆောင်နိုင်ရန် တာဝန်ထမ်းဆောင်ခွင့်ကို နောက်ထပ် ၆ လ သက်တမ်းတိုးမြင့်လိုက်ကြောင်း အမျိုးသားကာကွယ်ရေးနဲ့ လုံခြုံရေးကောင်စီမှာ ကြေညာတာဖြစ်ပါတယ်။
