သျှမ်းပြည်နယ်မြောက်ပိုင်း နောင်ချိုမြို့ပေါ် မှာရှိတဲ့ လက်ဘက်ရည်ဆိုင်တစ်ဆိုင် အပေါ်ကို စစ်ကောင်စီက ယနေ့ မနက်(၁၁း၀၀)ဝန်းကျင်က လာရောက်ဗုံးကြဲချတိုက်ခိုက်လို့ ဆိုင်လာထိုင်တဲ့ ပြည်သူ(၁၀)ဦးခန့် သေဆုံးတယ်လို့ ဒေသတွင်းရင်းမြစ်က သိရပါတယ်။
” ပါရမီ (၂) လဖက်ရည်ဆိုင်အပေါ်တည့်တည့်ကျတာ၊ သေဆုံးသူတွေကိုတော့ အတိအကျမသိသေးဘူး” လို့ ဒေသခံတစ်ဦးကပြောပါတယ်။
ယမန်နေ့က မွန်းလွှဲပိုင်းကလည်း နောင်ချိုမြို့ရှိ စည်ပင်ရုံးနဲ့ ထွေအုပ်ရုံးအနီးကို စစ်ကောင်စီက လေကြောင်းနဲ့ ဗုံး(၂)လုံး လာရောက်ကြဲချမှုကြောင့်အမျိုးသမီး(၁)ဦးသေဆုံးပြီး (၂)ဦး ထိခိုက်ဒဏ်ရာရရှိခဲ့ပါတယ်။
၁၀၂၇ စစ်ဆင်ရေး ဒုတိယပိုင်းက နောင်ချိုမြို့ကို TNLA နဲ့ ပူးပေါင်းတပ်ဖွဲ့များက တိုက်ခိုက်သိမ်းပိုက်ထားတာဖြစ်ပြီး TNLAရဲ့ အုပ်ချုပ်ရေးယန္တရားနဲ့ လည်ပတ်နေတာပဲဖြစ်ပါတယ်။
စစ်ကောင်စီအနေနဲ့ စစ်ရေးပစ်မှတ်မဟုတ်တဲ့ အရပ်သားပြည်သူများကို ပစ်မှတ်ထားပြီး ဘာသာရေးအဆောက်အအုံနဲ့ လူနေအိမ်ရပ်ကွက်အတွင်းသို့ နေ့စဉ် ဗုံးကြဲတိုက်ခိုက်နေပြီး အပြစ်မဲ့ပြည်သူများစွာသေဆုံးခဲ့ရသလို နေအိမ်အဆောက်အအုံများလည်း ထိခိုက်ပျက်စီးတယ်လို့ သိရပါတယ်။
