ယနေ့ ဇန်နဝါရီလ(၁၁)ရက် နံနက်ပိုင်းက ရခိုင် ပြည်နယ်၊ ကျောက်တော်မြို့ပေါ်ရှိ ရပ်ကွက်နှင့် ဈေး အပါအဝင် လူနေထူထပ်သည့် နေရာများကို ဦးတည်ပြီး စစ်ကောင်စီက လေကြောင်းနဲ့ ဗုံးကြဲတိုက်ခိုက်ခဲ့တယ်လို့ သိရပါတယ်။
စစ်ကောင်စီမှ ဂျက်တိုက်လေယာဉ်များနဲ့ နံနက် ပိုင်း(၉)နာရီခန့်မှာ သုံးကြိမ်တိုင်တိုင် လာရောက်ဗုံးကြဲပြီး ဗုံး(၁၅)လုံးခန့် ကြဲချတိုက်ခိုက်ခဲ့တယ်လို့ AA ထံမှ သိရပါတယ်။
ဗုံးကြဲတိုက်ခိုက်မှုကြောင့် ဈေးရောင်း၊ဈေးဝယ်နဲ့ လမ်းသွားလမ်းလာ အရပ်သားပြည်သူတချို့ သေဆုံး ဒဏ်ရာရမှုများရှိပြီး ဈေးဆိုင်တန်းနဲ့ နေအိမ်အဆောက် အအုံ ထိခိုက်ပျက်စီးမှုများလည်းရှိကာသေဆုံးမှုနဲ့ ထိခိုက်ပျက်စီးဆုံးရှုံးမှု အရေအတွက်များကိုတော့ မသိရသေးပါဘူး။
ပြီးခဲ့သည့် ဇန်နဝါရီလ(၈)ရက်နေ့ကလည်းရမ်းဗြဲမြို့နယ်၊ ကျောက်နီမော်ကျေးရွာကို စစ်ကောင်စီမှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့မှုကြောင့် အရပ်သားပြည်သူ(၃၀)နီးပါးသေဆုံးပြီး နေအိမ်ပေါင်း (၃၉၀)လုံးကျော် မီးလောင်ပျက်စီးခဲ့တယ်လို့ သိရပါတယ်။