သျှမ်းပြည်တောင်ပိုင်း၊ညောင်ရွှေမြို့နယ် ၊ ဘုရားတောင်အုပ်စု နမ့်ပွန်ရွာ နဲ့ ရေပူရွာ လမ်းဆုံမှာ မနေ့ ဒီဇင်ဘာ ၂၇ ရက်က စစ်ကောင်စီ တပ်သားတွေကိုယ်ထောင်တဲ့မိုင်း ကိုယ်ပြန်နင်းမိပြီး ၂ ဦးသေဆုံးခဲ့တယ်လို့ သိရပါတယ် ။
” ထီရီးအခြေစိုက်ဗျူဟာကုန်းက စစ်ကောင်စီတပ်သား ၈ ယောက်တက်လာတယ်၊ မိုင်းလာထောင်တဲ့အချိန် မိုင်းပေါက်ကွဲတာ၊သူတို့ထောင်တဲ့မိုင်း သူတို့ပဲပြန်ထိတာ သူတို့ဖက်က ၂ ဦး သေသွားတယ် လို့ “ လို့ ဒေသခံ သတင်းရင်းမြစ်တစ်ဦးကပြောပါတယ် ။
နမ့်ပွန်ရွာ နှင့် ရေပူရွာလမ်းဆုံမှာထီရီးဗျူဟာကုန်းက စစ်ကောင်စီ တပ်သားတွေ မိုင်းလာထောင်ရာက မိုင်းပေါက်ကွဲမှုဖြစ်ပွားခဲ့တာလို့ ဆိုပါတယ် ။
ဒီဇင်ဘာလ ၂၅ ရက်ကလည်း နမ့်ပွန် ကျေးရွာအနီး မှာထီရီး ရွာက သားအဖ ၃ ဦး ထော်လာဂျီနဲ့ ပြောင်းဖူးချိုးသွားရာက စစ်ကောင်စီထောင်ထားတဲ့ မိုင်း နင်းမိပြီး ဖခင်ဖြစ်သူနေရာတင်ပွဲချင်းပြီးသေဆုံးခဲ့ရသလို သားဖြစ်သူမှာလည်းခြေထောက် ၂ ဖက်ထိခိုက်ခဲ့တယ်လို့ သိရပါတယ် ။
Photo- စစ်ကောင်စီတပ်သား ( ပုံဟောင်း)