တောင်ကြီးမြို့ ၊ ကျောင်းကြီးစုရပ် ၊ ရွှေသူဌေးကုန်း ယေဟောဝါခရစ်ယာန်ဘုရားကျောင်း အနီးက မြေ ကွက်လပ်တစ်ခုမှာယခု ရက်ပိုင်းထဲ ပုတ်သိုးနေတဲ့ လူသေအလောင်းတစ်လောင်းတွေ့ရှိခဲ့တယ်လို့ မြို့ ခံတွေဆီက သိရ ပါတယ် ။
” အဲ့ဒီလမ်းမှာ ပုတ်စော်နံနေတာ ရက်ပိုင်းလောက်ရှိပြီ အနီးနားကလူတွေ မနေနိုင်ကြလို့ အသေကောင်လိုက်ရှာမှ မြေကွက် လပ်မှာ အလောင်းတွေ့ တာ ခြေထောက် အောက်ပိုင်းက ခွေးတွေဆွဲထားတာမရှိတော့ဘူး ၊ ရုပ်တွေလဲပျက်ကုန်ပြီ အမျိုးသား တစ်ဦးလို့တော့ သိရတယ် ၊ တာဝန်ရှိသူတွေလာယူသွားပြီ ” လို့ ရပ်ကွက်နေပြည်သူတစ်ဦးကပြောပါတယ် ။
သေဆုံးသူဟာ အမျိုးသားတစ်ဦးဖြစ်ပြီး အမည်နဲ့ သေဆုံးရတဲ့ အကြောင်းအရင်းကို တော့ HsanLoiVoice က အတည်မပြုနိုင်သေးပါဘူး ။
အဲ့ဒီအမည်မသိ အမျိုးသားတစ်ဦးအလောင်းကို
ဒီဇင်ဘာ ၉ ရက်နေ့က ရပ်ကွက်အုပ်ချုပ်ရေးမှူးနဲ့ ရဲတပ်ဖွဲ့တွေ လာရောက် ကြည့်ရှုစစ်ဆေးပြီး ရင်ခွဲရုံကိုသယ်ဆောင်သွားတယ်လို့ သိရပါတယ် ။