ယနေ့ ဒီဇင်ဘာလ(၉)ရက်နေ့တွင် တောင်ခမ်းတပ်စခန်းအနီး ကျောက်ဂူ-ကျောက်ဆုံတွင် TNLA နှင့် DPLA တို့ပူးပေါင်းပြီး စစ်ကောင်စီနှင့် တိုက်ပွဲဖြစ်ပွားပြီးနောက် စစ်ကောင်စီ၏ ရုပ်အလောင်း (၁၅)လောင်း၊ စစ်သုံးပန်း(၁၇)ဦးနှင့် လက်နက်မျိုးစုံ (၂၈)လက်နှင့် ခဲယမ်းများစွာ ဖမ်းဆီးသိမ်းဆည်းရမိခဲ့ကြောင်း TNLA ထံမှသိရသည်။
ထို့အတူ တောင်ခမ်းအမြောက်တပ်(၃၅၄)စခန်း တွင်လည်း စစ်ကောင်စီလက်အောက်ခံ တပ်သား (၂)ဦးအား လက်နက်ခဲယမ်းနှင့်အတူ အရှင်ဖမ်းဆီးရမိခဲ့ကြောင်း သိရသည်။
ယမန်နေ့ ဒီဇင်ဘာလ(၈)ရက်၊ နောင်ချိုမြို့ရှိ စစ်ကောင်စီတပ် (၉၀၂)တပ်စခန်း၊ ဂန့်ကော်ကျေးရွာနှင့် စစ်ကောင်စီတပ် (၄၀၆)တပ်စခန်းအနီးတွင် တအာင်းအမျိုးသားလွတ်မြောက်ရေးတပ်မတော် TNLA နှင့် စစ်ကောင်စီတပ်တို့အကြား တိုက်ပွဲဖြစ်ပွားခဲ့ TNLA မှ ဖော်ပြထားသည်။
သျှမ်းပြည်နယ်တောင်ပိုင်း ရပ်စောက်မြို့နယ် ကျောက်ဂူမှ နောင်ချိုမြို့နယ်အတွင်းသို့ စစ်အင်အားပြန်လည်ဖြည့်တင်းရန် ကြိုးပမ်းနေသည့် စစ်ကောင် စီ တပ်မှ ထိုးစစ်ဆင်လာ၍ နှစ်ဖက်ထိတွေ့ တိုက်ပွဲဖြစ်ပွားခဲ့ခြင်းဖြစ်ကြောင်း သိရသည်။
