သျှမ်းပြည်နယ်တောင်ပိုင်း မိုင်းပန်မြို့နယ်ရှိ သျှမ်းပြည်ပြန်လည်ထူထောင်ရေးကောင်စီRCSS ၏ တပ်စခန်းနေရာမျာအား ဝင်ရောက်နှောင့်ယှက်ဖို့ စစ်ကောင်စီဘက်မှ တင့်ကား (၃)စီးဖြင့် မိုင်းပန်မြို့ အနီးဝန်းကျင်မှာ လှုပ်ရှားနေကြောင်း သိရသည်။
မိုင်းပန်မြို့ရှိ စစ်ကောင်စီ၏ အမှတ်(၁၇) စစ်ဆင်ရေးကွပ်ကဲမှုဌာနချုပ် စကခ(၁၇)မှ တင့်ကား (၃)စီးနှင့် အင်အား (၅၈)ယောက်ခန့်က မြို့တွင်းမှာ အသင့်အနေထားဖြင့် ရှိနေကြောင်း စစ်ရေးသတင်း ရင်းမြစ်မှ သိရသည်။
“မနေ့ကတည်းက စစ်ကောင်စီဖက်က အင်အားအလုံးအရင်းနဲ့ တင့်ကား (၃)စီးနဲ့ ပတ်နေတာ တွေ့ရတယ်၊ RCSS အခြေချ တပ်စခန်းနေရာကို ဝင်နှောင့်ယှက်ချင်တဲ့ သဘောဖြစ်မယ်၊ မြို့နားလေးမှာ ပဲ ကင်းလှည့်နေတာ ဒီနေ့အထိပဲ” လို့ ဒေသခံတစ်ဦး က Hsan Loi Voice ကို ပြောသည်။
ပြီးခဲ့သည့် ဒီဇင်ဘာလ(၂)ရက်က ပင်းတယမြို့ အရှေ့ဘက် နတ်အင်းကျေးရွာမှာ စစ်ကောင်စီနှင့် RCSS တို့ နှစ်ဖက်တိုက်ပွဲဖြစ်ပွားခဲ့ကြောင်း သိရသည်။
