သျှမ်းပြည်နယ်မြောက်ပိုင်း၊ နောင်ချိုမြို့ရှိ တောင်ခမ်း အမြောက်တပ်စခန်း (၃၅၄)နှင့် (၉၀၂) တပ်စခန်းတို့တွင် တအာင်းအမျိုးသား လွတ်မြောက် ရေး တပ်မတော် TNLA နှင့် စစ်ကောင်စီတပ်တို့ ယနေ့ နိုဝင်ဘာလ(၁၆)ရက်နေ့မှာ နှစ်ဖက်တိုက်ပွဲပြင်းထန်စွာဖြစ်ပွားခဲ့ကြောင်း သိရသည်။
တိုက်ပွဲအတွင်း စစ်ကောင်စီတပ် တပ်မ(၁၁) ခမရ(၂၁၃) တပ်ရင်းမှူး ဗိုလ်မှူး၊ ဗိုလ်ကြီး အဆင့်ရှိသူနှင့်တပ်သားများ သေဆုံးခဲ့ပြီး စစ်ကောင်စီတပ်ဖွဲ့ဝင်(၄)ဉီးလည်း အရှင်ဖမ်းဆီးနိုင်ကာ လက်နက်ခဲယမ်းများနှင့် စစ်အသုံးအဆောင်ပစ္စည်းများလည်း သိမ်းဆည်းရမိခဲ့ကြောင်း TNLAမှ ထံမှသိရသည်။
သျှမ်းပြည်နယ်တောင်ပိုင်း ရပ်စောက်-ကျောက်ဂူမှ နောင်ချိုမြို့နယ်အတွင်း စစ်အင်အားဖြည့်တင်းရန် ကြိုးပမ်းနေသည့် စစ်ကောင်စီတပ်မှ ထိုးစစ်ဆင်လာသောကြောင့် တိုက်ပွဲဖြစ်ပွားခဲ့ခြင်းဖြစ်ကြောင်း သတင်း ရရှိသည်။
