ယမန်နေ့ (၉.၁၀.၂၀၂၄) ရက်နေ့ မွန်းလွဲ (၃) နာရီခန့်တွင် စစ်ကောင်စီတပ်က Y-12 လေယာဉ်ဖြင့် သီပေါမြို့ပေါ်အား ဗုံးကြဲချတိုက်ခိုက်ခဲ့သည်။ အဆိုပါ ဗုံးကြဲတိုက်ခိုက်မှုကြောင့် သီပေါမြို့ တောင်မြို့ရပ်ကွက်၊ အုတ်ကျင်းရပ်ကွက်နှင့် ပန်းတိမ်တောင်ရပ်ကွက်အတွင်းရှိ လူနေအိမ်အများအပြားထိခိုက်ပျက်စီးခဲ့ပြီး မယ်သီလရှင်တစ်ပါး ပျံလွန်ခဲ့သည်ဟုဆိုသည်။
“ အောက်တိုဘာလ ၉ ရက်နေ့ ညနေ ၃နာရီအချိန်မှာ စစ်ကောင်စီတပ်က Y-12လေယာဥ်နဲ့ ရွှေကျောင်းရပ်ကွက်နဲ့ ပန်တိမ်တောင်ရပ်ကွက်အတွင်း ဗုံး(၁၀)လုံးလာရောက်ကြဲချခဲ့ပါတယ်။ ဗုံးကြဲချမှုကြောင့် ရွှေကျောင်းရပ်ကွက်ရှိ အုပ်ချုပ်ရေးမှူးရုံး၊ ပြည်သူနေအိမ်များနဲ့ ပန်တိမ်တောင်ရပ်ကွက်ရှိ ဦးအိုက်တူးတို့နေအိမ် ထိခိုက်ပျက်စီးခဲ့ပါတယ်။ သီလရှင်တစ်ပါးလည်း ဗုံးထိမှန်ပြီး ပျံလွန်တော်မူခဲ့ရတယ်။” ဟု သီပေါမြို့ခံတစ်ဦးက ပြောပြသည်။
သီပေါမြို့တွင် စစ်ကောင်စီ၏ ခလရ – ၂၃ တပ်ရင်းတစ်ခုသာ ကျန်ရှိတော့ကား TNLA နှင့် တော်လှန်ရေး အင်အားစုများက သီပေါမြို့အား အလုံးစုံ သိမ်းပိုက်ရရှိရေး ထိုးစစ်ဆင်နေကြောင်း သိရသည်။
