သျှမ်းပြည်မြောက်ပိုင်း၊ ကွတ်ခိုင်မြို့နယ် လွယ်ဆိုင်ကျေးရွာတွင် နေထိုင်သည့် အသက်(၂၅)နှစ်အမျိုးသားတစ်ဦးသည် အောက်တိုဘာလ(၃)ရက် ညနေပိုင်းက ၎င်း၏ ကျွဲများလိုက်ရှာနေစဥ် စစ်ကောင်စီ ထောင်ထားသည့် မြေမြှုပ်မိုင်းတစ်လုံး နင်းမိပြီး ပေါက်ကွဲကာ ခြေထောက်တစ်ဖက်ပြတ်ထွက်သွားခဲ့ကြောင်း TNLA က ထုတ်ပြန်ထားသည်။
မိုင်းနင်းမိသော ထိုနေရာသည် ယခင် စစ်ကောင်စီ ၏ အမြောက်တပ် တပ်စွဲထားသည့်နေရဖြစ်ကြောင်း သိရသည်။
မိုင်းပေါက်ကွဲမှုကြောင့် ညာခြေထောက်တစ်ဖက် ပြတ်ထွက်သွားခဲ့ပြီး ၎င်း၏ ဘယ်ခြေထောက်၊ လက်နှင့် ခန္ဓာကိုယ်တို့တွင်လည်း မိုင်းစ အများအပြားထိမှန်ဒဏ်ရာရရှိကာ ကွတ်ခိုင်ပြည်သူဆေးရုံသို့ ပို့ဆောင် ကုသပေးခဲ့ကြောင်း သိရသည်။
ပြီးခဲ့သည့် စက်တင်ဘာလ(၆)ရက်နေ့ကလည်း ကွတ်ခိုင်မြို့ အမှတ်တရကျောက်တိုင်အနီး ပျားသွားဖွတ်သည့် အမျိုးသားတစ်ဦးသည် စစ်ကောင်စီထောင်ထားသည့် မြေမြှုပ်မိုင်းကို နင်းမိခဲ့ကြောင်း သိရသည်။