ယနေ့ အောက်တိုဘာလ(၄)ရက် နံနက်အစောပိုင်းက လားရှိုးမြို့ကို စစ်ကောင်စီမှ လေကြောင်းဖြင့် ထပ်မံလာရောက်ဗုံးကြဲတိုက်ခိုက်ကြောင်း သိရသည်။
စစ်ကောင်စီမှ လေကြောင်းဖြင့် (၄)ကြိမ် လာရောက်ဗုံးကြဲတာဖြစ်ပြီး ရပ်ကွက်(၈)ထဲသို့ ကျရောက် ပေါက်ကွဲကာ လူထိခိုက်မှု ရှိမရှိ မသိရသေးပါ။
လားရှိုးမြို့မှာ ဆက်သွယ်ရေးလိုင်းအားလုံးလည်းပြတ်တောက်နေကြောင်းသိရသည်။
လားရှိုးမြို့နှင့် အထူးဒေသ(၁)ကို ဇူလိုင်လမှ စက်တင်ဘာလအထိ (၃)လသာအတွင်း စစ်ကောင်စီ ၏ လေကြောင်းတိုက်မှုကြောင့် အရပ်သားပြည်သူ (၃၀)ကျော် သေဆုံးပြီး (၉၀)ဦးခန့် ထိခိုက်ဒဏ်ရာရရှိကာ နေအိမ်အဆောက်အဦးများစွာ ထိခိုက်ပျက်စီးကြောင်း MNDAA က ထုတ်ပြန်ထားကြောင်း သိရသည်။