သျှမ်းပြည်နယ်တောင်ပိုင်း တောင်ကြီးမြို့၌ ယခုနှစ်၂၀၂၃ ခုနှစ် နိုဝင်ဘာလ(၂၁)ရက်နေ့မှ (၂၇)ရက်နေ့အထိ ကျင်းပပြုလုပ်မည့် တန်ဆောင်တိုင်ပွဲတော် ရိုးရာမီးပုံးပျံပွဲတော်၏ ပွဲစဉ်ဇယားနှင့် ပြိုင်ပွဲဝင်မီးပုံးပျံစာရင်း ထွက်ပေါ်လာပြီဖြစ်သည်။
ထွက်ပေါ်လာသည့် စာရင်းများအရ ညလွှတ်ညမီးကြီးမီးပုံးပျံ (၃၈)လုံး၊ စိန်နားပန်မီးပုံးပျံ(၂၅)လုံး စုစုပေါင်း (၆၃)လုံး လွှတ်တင်ယှဉ်ပြိုင်သွားမည်ဟု သိရသည်။
ဒါ့အပြင် နေ့ခင်းပိုင်းတွင်လည်း နေ့လွှတ်အရုပ်ခြေ(၂)ချောင်း၊ နေ့လွတ်အရုပ်ခြေ(၄)ချောင်း မီးပုံးပျံများကိုလည်း လွှတ်တင်ယှဉ်ပြိုင်မည်ဖြစ်သည်။ အလားတူ မသိုးသင်္ကန်းရက်လုပ်ပူဇော်ခြင်းနှင့် ကထိန်လှည့်ခြင်း၊ မီးပဒေသာ လှည့်ခြင်းတို့ ပြုလုပ်သွားမည်ဖြစ်ကြောင်း သတင်းရရှိသည်။
