ယမန်နေ့ ဇူလိုင်လ (၂၀) ရက်နေ့တွင် မြန်မာ့စစ်ကောင်စီအဖွဲ့၏ လူခြောက်ဦးနှင့် အဖွဲ့အစည်းတစ်ခုအား ဥရောပသမဂ္ဂ (EU) က ပိတ်ဆို့အရေးယူမှု ထပ်မံပြုလုပ်ခဲ့သည်။
ယခုတစ်ကြိမ် ပိတ်ဆို့အရေးယူမှုတွင် စစ်ကောင်စီတပ်၏ လူဝင်မှုကြီးကြပ်ရေး၊ အလုပ်သမားရေးရာဝန်ကြီးဌာန၊ ကျန်းမာရေးနှင့် အားကစားရေးရာဝန်ကြီးဌာနက ဝန်ကြီးများပါဝင်ပါသည်။ စစ်ကောင်စီမှ အာဏာသိမ်းပြီးနောက်ပိုင်း မြန်မာနိုင်ငံတွင် ပိတ်ဆို့အရေးယူခြင်းခံရသော လူပုဂ္ဂိုလ် (၉၉) ဦးနှင့် အဖွဲ့အစည်း (၁၉) ဖွဲ့ ရှိပြီဖြစ်သည်။
အရေးယူပိတ်ဆို့ခံရသူများသည် ပိုင်ဆိုင်မှုများထိန်းချုပ်ခံရမှာဖြစ်ပြီး ၊ အီးယူနိုင်ငံတွေကို သွားလာခွင့်နှင့်ဝင်ရောက်ခွင့်များ တားဆီးပိတ်ပင်ခံရမည်ဖြစ်သည်။
EU ၏ ပိတ်ဆို့အရေးယူမှုများအား စစ်ကောင်စီအဖွဲ့မှ လေးစားလိုက်နာရမည်ဖြစ်ပြီး လူသားချင်းစာနာထောက်ထားမှုများအား အလေးထားရန် ၎င်းတို့ထုတ်ပြန်ချက်တွင် ဖော်ပြထားသည်။