သျှမ်းပြည်နယ်အရှေ့ပိုင်း ကျိုင်းတုံ-တာချီလိတ် ကားလမ်းမကြီးပေါ်ရှိ တာလေတံတားသည် (၁၈.၁.၂၀၂၄) ရက်နေ့က အက်ကွဲရာများဖြစ်ပေါ်ခဲ့သည့်အတွက် ယာဉ်သွားလာဖြတ်သန်းမှု ယာယီပိတ်ထားခဲ့ရကြောင်း သိရသည်။
“ ဇန်နဝါရီလ ၁၈ ရက်နေ့ မနက်ပိုင်းကတည်းက တံတားအက်ကွဲနေတဲ့အရာတွေ့လို့ဆိုပြီး တံတားခဏပိတ်ပြီး ပြန်ပြင်နေတာပေါ့လေ။ အခုတော့ ယာယီဘေလီတံတားထိုးပြီးပြီ ဒီမနက်ကစပြီးတော့ အိမ်စီးကားငယ်နဲ့ အလေးချိန်သိပ်မများတဲ့ကားတွေကို ဖြတ်သန်းခွင့်ပေးနေပြီ။” ဟု တာချီလိတ်မြို့မှ လူမှုကူညီရေးအဖွဲ့ဝင်တစ်ဦးကပြောပြသည်။
ရေတိုက်စားမှုကြောင့် တံတားတိုင်ကျွံဝင်သွားရာမှ အက်ကွဲရာများဖြစ်ပေါ်ခဲ့ခြင်းဖြစ်ပြီး တာလေတံတားသည် နှစ် (၂၀) ခန့်သာ သက်တမ်းရှိသေးပြီး ယခုလိုဖြစ်ပေါ်ခဲ့ခြင်းဖြစ်သည်။
တောင်ကြီး-ကျိုင်းတုံ-တာချီလိတ်ကို ဆက်သွယ်ထားသော လမ်းမကြီးပေါ်တွင် တည်ဆောက်ထားသော တံတားတစ်စင်းဖြစ်သည်။
