သျှမ်း-ကယား နယ်စပ် တိုက်ပွဲများတွင်စစ်ကောင်စီဖက်မှအရာရှိ၊စစ်ကြောင်းမှူးများအ ပါအဝင် စုစု ပေါင်း (၆၂) ဦးသေဆုံးဟုဆို 

သျှမ်း-ကရင်နီ (ကယား) နယ်စပ်တွင် စစ်ကောင်စီ တပ်မ ၆၆ လက်အောက်ခံတပ်ရင်းနှင့်သျှမ်းတောင်ဒေသခံကာ ကွယ်ရေးတပ် အပါအဝင် ကရင်နီ‌ဒေသကာ ကွယ်ရေးပူးပေါင်းတပ်ဖွဲ့များ တိုက်ပွဲဖြစ်ပွားခဲ့ပြီး စစ်ကောင်စီဘက်မှ အရာရှိ၊စစ်ကြောင်းမှူးများအပါအဝင် စုစု ပေါင်း (၆၂) ဦးသေဆုံးခဲ့ကြောင်း Joe Phyu Revolution Force၊ သျှမ်းတောင် ‌ဗဟို‌ ကော်မတီ သတင်းနှင့်ပြန် ကြားရေး ကထုတ်ပြန်ထားသည် ။

ဖယ်ခုံမြို့ အနောက်ဖက်ခြမ်း လွယ်ဟဲ နှင့် လွယ်လုံရွာ စစ်ကြောင်းတစ်ကြောင်း၊ ခေါင်းအိ နှင့် စက်တော်ရွာဖက်တွင် စစ်ကြောင်းတစ်ကြောင်း၊ နှင့် လတူးဖက် စစ် ကြောင်းတစ်ကြောင်းစုပေါင်းစစ် ကြောင်း (၃) ကြောင်းဖြင့် ထိုးစစ်ဆင်လာခဲ့ပြီးတိုက်ပွဲပြင်းထန်ခဲ့ကြောင်း JPRF က ဇွန်လ ၈ ရက်နေ့က ထုတ်ပြန်ချက်အရသိရသည် ။

စစ်ကောင်စီ၏ ထိုးစစ်ဆင်လာမှုကို Joe Phyu Revolution Force နှင့်အတူ ဒေသခံတပ်ရင်းများဖြစ်ကြသည့် ဖယ်ခုံPDF, KNDF, PDF-Loikaw, DMO-PDFs စစ်ကြောင်း၊ DMO Local-PDFs စစ်ကြောင်း၊ MBPDF (1001 နှင့် 1007), တပ်ရင်းအမှတ် 1002, 1008, 1003,1009, KRU, NPT-PDF တပ်ရင်းများ နှင့် အလယ်ပိုင်းတိုင်း အထူး တပ်ဖွဲ့ စသည့် တော်လှန်ရေးတပ်များက ပူးပေါင်း၍ခုခံတိုက်ခိုက်ခဲ့ခြင်းဖြစ်သည် ။

တိုက်ပွဲအတွင်းတွင် စစ်ကောင်စီဘက်မှ အရာရှိ၊စစ် ကြောင်းမှူးများအပါအဝင် စုစုပေါင်း(၆၂) ဦး သေဆုံးပြီး၊ အများအပြားထိခိုက်ဒဏ်ရာရခဲ့ခြင်းကြောင့် စစ်ကောင်စီမှ လေကြောင်းတိုက်ခိုက်မှု အကြိမ်ရေများစွာပစ်ခတ်/ကြဲချ သည်သာမက ဖယ်ခုံ စကခ(၇) နှင့် ၃၃၆ တပ် မှလက်နက်ကြီးနှင့်ပါ ပစ်ကူခဲ့ကြောင်းထုတ်ပြန်ချက်တွင်ထည့်သွင်းထားသည် ။

တိုက်ပွဲအတွင်း PDFပူးပေါင်းတပ်များ နှင့် KNDF တို့မှ ရဲဘော်(၃) ဦးကျဆုံးခဲ့ပြီးJPRFမှ ရဲဘော်တစ်ဉီးလက် နက်ကြီးစ ဦး ခေါင်းထိမှန်ဒဏ်ရာရရှိခဲ့ကာလက်ရှိတွင် ဆေးကုသမှုခံယူနေကြောင်းသိရသည် ။

Joe Phyu Revolution Force သည် ယခုနှစ်မတ်လ က သျှမ်း- ကယားနယ်စပ် တောင်မဲသင်းတိုက်ပွဲစတင်ဖြစ်ပွားခဲ့သည့်အချိန်မှစ၍ ယနေ့အချိန်ထိသျှမ်းတောင်မဟာမိတ်တပ်ရင်းများဖြစ်ကြသော 1008,1003, 1005,1009,KRUစသည့် မဟာမိတ်တပ်ဖွဲ့များနှင့်အတူ သျှမ်းတောင်ရှေ့တန်းများတွင် ပူးပေါင်းပါဝင်တိုက်ခိုက်လျှက်ရှိကြောင်း ထုတ်ပြန်ချက်အရ သိရှိရသည် ။

Photo#JPRF