လာမယ့်ရက်ပိုင်းထဲ မြန်မာနိုင်ငံဒေသအနှံ့အပြားမှာ လက်ရှိအပူချိန် သိသိသာသာ လျော့နည်းကျဆင်းပြီး အအေးပိုလာနိုင်တယ်လို့ မိုးလေဝသ သတင်းထုတ်ပြန်ချက် တွေအရသိရပါတယ်။
ဒီဇင်ဘာလ ၁၉ ရက်ညပိုင်းကစပြီး ၂၃ ရက်မနက်ပိုင်းအထိ သျှမ်းပြည်နယ်နဲ့ ကယားပြည်နယ် ကဒေသအားလုံးမှာလက်ရှိအပူချိန်ထက် အအေးပိုလာနိုင်သလို သျှမ်းမြောက်ဒေသတွေမှာသိသိသာသာ ပိုအေးလာနိုင်ပြီးအထူးသဖြင့် မူဆယ်ခရိုင်နဲ့ လောက်ကိုင်ခရိုင်တွေမှာ ထူးကဲစွာအအေးပိုနိုင်တဲ့ အတွက် အထူးဂရုပြု နေထိုင်ကြပါဖို့ကို သတိပေးထားပါတယ်။
ဒီဇင်ဘာလ (၂၀) ရက် ညပိုင်းမှ (၂၃) ရက်နေ့တွေမှာတော့ စစ်ကိုင်းတိုင်းဒေသကြီး (အောက်ပိုင်း) နေပြည်တော် မန္တလေးတိုင်းဒေသကြီး ပဲခူးတိုင်းဒေသကြီး (အရှေ့ပိုင်း) ကရင်ပြည်နယ် (အထက်ပိုင်း) ဒေသတွေမှာ လက်ရှိအခြေအနေထက် အအေးပိုလာနိုင်တယ်လို့ ထုတ်ပြန်ထားပါတယ်။