စိတ်ကြွဆေးပြား ထုတ်လုပ် ဖြန့်ဖြူးရေးရုံ ၃၇ နေရာရှိကြောင်း တရားမဝင် မူးယစ်ဆေးဝါးထိန်းချုပ်ရေး အရာရှိများက ၂၀၁၈ က မြေပုံနှင့်တကွ ထုတ်ဖော် ပြောကြားခဲ့ဖူးပါသည်။
ထုတ်လုပ်ဖြန့်ဖြူးသည့် လက်နက်ကိုင် အဖွဲ့အစည်းများနှင့် နေရာများသည်
၁။ MNDAA (ကိုးကန့်မြို့နယ် ၁ ရုံ)၊
၂။ ဦးဟော် အထူးရဲတပ်ဖွဲ့ (ကွန်လုံမြို့နယ် ၂ ရုံ)၊
၃။ UWSA (ပန်ခမ်း ၁ ရုံ)၊ UWSA (မိုင်းလား၌တည်ထားသည့်ရုံ ၁ ရုံ)၊
၄။ UWSA (မိုင်းယွန်း ၂ ရုံ)၊
၅။ UWSA နှင့် လားဟူပြည်သူ့စစ် (တာချီလိတ် ၃ ရုံ)၊
၆။ UWSA (မိုင်းဆတ်၌ ၂ ရုံ)၊
၇။ UWSA (မိုင်းတုံမြို့နယ် ၃ ရုံ)၊
၈။ သျှမ်းအမျိုးသားလွတ်မြောက်ရေးအဖွဲ့ (မောက်မယ် ၂ ရုံ)၊
၉။ ခေါက်သျှမ်းချိုစမ်းအုပ်စုနှင့် သျှမ်းအမျိုးသားလွတ်မြောက်ရေးတပ်ဖွဲ့ (နမ့်စန် ၄ ရုံ)၊
၁၀။ ယန်ဂျူးအုပ်စု (မိုင်းရူး ၁ ရုံ)၊
၁၁။ မန်ပန်ပြည်သူ့စစ်၊ မိုင်းဂါပြည်သူ့စစ်နှင့် SSA မြောက်ပိုင်း/SSPP တပ်မဟာ ၁ (တန့်ယန်းမြို့နယ် ၃ ရုံ)၊
၁၂။ ကချင်ကာကွယ်ရေးအာမီ (ကွတ်ခိုင် ၁၀ ရုံ)၊
၁၃။ ပန်းဆေးကျော်မြင့် ပြည်သူ့စစ်အဖွဲ့ ( နမ့်ခမ်း ၂ ရုံ)
စုစုပေါင်း ၃၇ နေရာ သိရှိထားကြောင်း နိုင်ငံတကာမှ တရားမဝင်မူးယစ်ဆေးဝါး ထိန်းချုပ်ရေး အရာရှိများ၊ လေ့လာစောင့်ကြည့်သူများ၊ မလေးရှားရဲတပ်ဖွဲ့က၂၀၁၈ ခုနှစ်၊ ဇွန်လတွင် သတင်းမီဒီယာများကတဆင့် ထုတ်ဖော်ပြောကြားခဲ့သည်။
အလားတူ dkhkatribune.com ကလည်း သျှမ်းပြည်မှ ယာဘများ ဘင်္ဂလားဒေ့ရှ်နိုင်ငံဘက်သို့ စီးဆင်းသွားပုံကို ၂၀၁၈ ခုနှစ်၊ ဇွန်လ ၂ ရက်နေ့က ထုတ်ဖော်ရေးသားခဲ့ဖူးသည်။ ပြည်ထောင်စုအဆင့် လွှတ်တော်အမတ်အချို့၊ သျှမ်းပြည်လွှတ်တော်အမတ်အချို့နှင့် သ◌ြဇာရှိသူတချို့လည်း နောက်ကွယ်မှ ပါဝင်ပါတ်သက်မှုရှိသည်ဟု လေ့လာဖတ်ရူ့ရသည်။
Irrawaddy ကလည်း ၂၀၁၈ ခုနှစ်၊ ဇွန်လ ၅ ရက်နေ့က ထုတ်ဖော်ရေးသားဖော်ပြခဲ့သည်။