သျှမ်းပြည်နယ်အရှေ့ပိုင်း ကျိုင်းတုံခရိုင်၊ မိုင်းယန်းမြို့နယ်တွင် အဆိုပါဒေသ၌ နေထိုင်ကြသော သျှမ်းတိုင်းရင်းသား ဓလေ့တစ်ခုဖြစ်သည့် ရိုးရာကျွဲခတ်ပွဲကို မိုင်းလွေကျေးရွာနှင့် ယန်းခိုင် ကျေးရွာကြားတွင် ဒီဇင်ဘာလ (၂၉) ရက်နေ့ ကစတင် ကျင်းပခဲ့ကြောင်း သတင်းရရှိသည်။
သျှမ်းရိုးရာကျွဲခတ်ပွဲသို့ ၎င်းဒေသတွင် နေထိုင်ကြသော တိုင်းရင်းသားလူမျိုးစုများမှ လာရောက်ယှဉ်ပြိုင်ကြသည်။ ကျွဲခတ်ပြိုင်ပွဲဝင်မည့် ကျွဲများကို ပြိုင်ကွင်းအတွင်း ခေါ်ဆောင်လာပြီး ယှဉ်ပြိုင်ခတ်မည့် ကျွဲနှစ်ကောင်ကို မျက်နှာချင်းဆိုင်ထားကာ ခေါင်းချင်းဆိုင် ဦးချိုဖြင့် ဝေ့ဝိုက်တိုက်ခိုက်စေကြပြီး ပြိုင်ကွင်းအတွင်း ဦးစွာထွက်ပြေးသော ကျွဲအား အရှုံးအဖြစ် သတ်မှတ်သည်။ ပြိုင်ကွင်းအတွင်း ကျန်ရှိသော ကျွဲကို အနိုင်အဖြစ် သတ်မှတ်ပြီး ကျွဲပိုင်ရှင်ကို ဆုငွေများ ပေးအပ်ချီးမြှင့်ကြကြောင်း သိရသည်။
သျှမ်းရိုးရာ ကျွဲခတ်ပွဲသို့ ဒေသခံအများအပြား လာရောက်ကြည့်ရှုကြကြောင်း သတင်းရရှိသည်။
credit & Thar Chaw
#HsanLoiVoice
https://instagram.com/hsan.loivoice?igshid=YmMyMTA2M2Y=
https://hsanloivoice.org/