အတုအယောင်ရွေးကောက်ပွဲကနေ သမ္မတဖြစ်လာတဲ့ ကာချုပ်ဟောင်း ဦးမင်းအောင်လှိုင် ဦးဆောင် ဖွဲ့စည်းလိုက်တဲ့ အစိုးရသစ်ကို ပလောင်ပြည်နယ်လွတ်မြောက်ရေးတပ်ဦး/တအာင်းတပ်မတော် (PSLF/TNLA)မှ ဂုဏ်ပြုလွှာတစ်စောင် ပေးပို့ခဲ့ကြောင်း ယနေ့ ဧပြီလ ၁၅ ရက် မွန်းလွဲပိုင်းမှာ ထုတ်ပြန် လာပါတယ်။
သဝဏ်လွှာထဲမှာ မိမိတို့ တအာင်းတပ် TNLA သည် တရုတ်ပြည်သူ့သမ္မတနိုင်ငံ၏ ကြားဝင်စေ့စပ်မှုနဲ့ ဟိုင်ဂင်သဘောတူညီချက်မှ တဆင့် (၉)ကြိမ်မြောက်ဆွေးနွေးပွဲမှာ မြန်မာ့တပ်မတော်နဲ့ နှစ်ဖက်အပြန် အလှန်အပစ်အခတ်ရပ်စဲရေး သဘောတူစာချုပ်ကို ၂၀၂၅ အောက်တိုဘာလ ၂၈ ရက်နေ့မှာ သဘောတူ လက်မှတ်ရေးထိုးခဲ့တာဖြစ်တယ်လို့ ဖော်ပြထားပါတယ်။
ဒါ့အပြင် PSLF အနေနဲ့ မြန်မာ့တပ်မတော်နဲ့အတူ နိုင်ငံတော် သမ္မတ ဦးမင်းအောင်လှိုင်၏ မြန်မာအစိုးရသစ်နဲ့ အပစ်အခတ်ရပ်စဲရေး ကတိကဝတ်တွေကို ဆက်လက်ထိန်းသိမ်းပြီး နိုင်ငံရေးပြဿနာတွေကို နိုင်ငံရေးနည်းလမ်းနဲ့ ငြိမ်းချမ်းစွာဆွေးနွေးအဖြေရှာနိုင်ဖို့ အထူးမျှော်လင့်ထား တယ်လို့ PSLF/TNLA ရဲ့ ထုတ်ပြန်ချက်မှာ ဖော်ပြထားပါတယ်။