သျှမ်းတောင် လဲချားမြို့၊ တပေါင်းပွဲ ပေါရဏမွေတော် စေတီပရဝုဏ်အတွင်းရှိ အပျော်တမ်းလောင်းကစားများကို သံဃာတော်များဘက်မှ ခွင့်ပြုထားခြင်းမရှိသကဲ့သို့ တားမြစ်ပိတ်ပင်နိုင်ခြင်းလည်း မရှိကြောင်း သံဃာတော်များဘက်က မိန့်ပါသည်။
“ ၅၀၀-၁၀၀၀ တမ်းကစားကြပေမယ့် ရူံးတယ်ဆိုရင်လည်း ရူံးမှာပါ။ သူတို့ခွင့်ပြုချက်လည်း လာမတောင်းကြသလို သူတို့ကို မတားမြစ်ပါဘူး၊ ရဲဘက်က တော့ ငွေလာတောင်းတာရှိတယ်လို့တော့ ကြားပါတယ်၊ လဲချားမှာ သာသနာကိုဘန်းပြ ပွဲလုပ်ကြပြီးတော့ လောင်းကစားဝိုင်းတွေထည့်သွင်းကြတာကို သံဃာတော်တွေဘက်က လုံးဝခွင့်မပြုထားပါဘူး ” ဟု သံဃာတပါးက မိန့်ပါသည်။
လဲချားမြို့ရှိ လောင်းကစားဝိုင်းအကြီးစားများသည် စိုင်းတ ဦးစီးသည့် ဌာနေပြည်သူ့စစ် ၇၅၈ အခြေစိုက်ရာ၌သာ ရှိကြောင်း ဒေသခံအချို့ကလည်း ပြောပါသည်။