သျှမ်းပြည်နယ်မြောက်ပိုင်း လားရှိုးမြို့တွင် အိမ်ခြေရာမဲ့ သေဆုံးမှုနှင့် အသတ်ခံရမှု မကြာခဏဖြစ်ပေါ်လျက်ရှိပြီး နိုဝင်ဘာလ (၅) ရက်နေ့တွင်လည်း လားရှိုးမြို့ ရပ်ကွက် (၅) ၊ (၃၇) လမ်း၊ မန်ကောင်းကျောင်းအနောက်ဖက်ရှိ လယ်ကွက်ထဲတွင် အမျိုးသားတစ်ဦး သေဆုံးနေသည်ကို တွေ့ရှိခဲ့ကြောင်း သတင်းရရှိသည်။
သေဆုံးနေသူအမျိုးသားသည် မည်သူမည်ဝါဖြစ်မှန်း မသိရသေးဘဲ အလောင်းမှာ ပုပ်ပွလျက်ရှိပြီး လောက်ကောင်များပင် ထွက်နေပြီ ဖြစ်သည်။ အဆိုပါ ပိုင်ရှင်မဲ့အလောင်းကို လားရှိုးလူငယ်များ လူမှုကူညီရေးအသင်းက သွားရောက်သယ်ဆောင်ပြီး လားရှိုးပြည်သူ့ဆေးရုံ ရင်ခွဲရုံသို့ ပို့ဆောင်ပေးခဲ့ကြောင်း သတင်းရရှိသည်။
#HsanLoiVoice