စစ်ကောင်စီတပ်၏ ခမရ (၃၄၁) မှ တပ်သား ချိုလွင်ဦး (၃၀) နှစ်၊ မောင်တိုးတိုး (၂၈)နှစ်၊ အောင်ပိုင်ဖြိုး (၂၃)နှစ်နှင့် ရဲထက်ကျော် (၂၁) နှစ်တို့သည် ဧပြီလ (၁၀)ရက်နေ့ နံနက်ပိုင်းတွင် KNU/KNLA (ကရင်အမျိုးသားအစည်းအရုံး/ကရင်အမျိုးသားလွတ်မြောက်ရေးတပ်မတော်) ထံ လက်နက်ချ ဝင်ရောက်ပူးပေါင်းခဲ့သည်ဟု ဆိုသည်။
၎င်းတို့ (၄) သည် စစ်ကောင်စီတပ်တွင် နေထိုင်စဉ် အနှိမ်ခံအနိုင်ကျင့်ခံရမှုကြောင့် စိတ်နာပြီး စစ်ကောင်စီတပ်ကို ပြန်တိုက်ရန် ဆန္ဒပြင်းပြလျက်ရှိသည်ဟု KNLA ဘက်က ထုတ်ပြန်ဖော်ပြထားသည်။ ၎င်းတို့သည် ရှေ့တန်းစခန်းတစ်ခုဖြစ်သည့် လယ်တိုးစခန်းမှ MA-1 သေနတ်(၄)လက်၊ ကျည်ဆံအပြည့်ပါကျည်ဘောက်(၁၆)ချပ်၊ လက်ပစ်ဗုံး(၂)လုံးနှင့် ခွင်းဗုံး(၅)လုံး ယူဆောင်ခဲ့ကြောင်း သတင်းရရှိသည်။
