သျှမ်းပြည်နယ်တောင်ပိုင်း ရပ်စောက်မြို့နယ် တောင်ကြီး-ရပ်စောက်ကားလမ်းမကြီး ဆင်တဲရွာနှင့် လူရိုးတောင်ရွာ၌ မိုးသည်းထန်ရွာသွန်းမှုကြောင့် ရေကြီးရေလျှံမှုဖြစ်ပေါ်လျက်ရှိသည်။
ဇွန်လ (၉)ရက်နေ့တွင် ကားမကြီးတစ်လျောက် ရေပြည့်နေပြီး ဆိုင်ကယ်နှင့်ကားငယ်များ ဖြတ်သန်းသွားလာရန် ခက်ခဲနေသည်။
“ မိုး(၃) ရက်ဆက်တိုက်ရွာလိုက်တော့ ချောင်းရေတွေပြည့်ပြီး လမ်းမကြီးပေါ် ရေပြည့်ကုန်တာ။ တခါတလေ ရေအရမ်းများလို့ ကားလေးတွေနဲ့ဆိုင်ကယ်တွေက တစ်နာရီလောက် ရေပြန်ကျတဲ့အချိန်အထိစောင့်ရတယ်။” ဟု အဆိုပါလမ်းပိုင်း၏ ခရီးသည်တင်ယာဉ်မောင်းတစ်က ပြောသည်။
ချောင်းရေလျှံမှုကြောင့် ကားမကြီးပေါ်အပြင် လူရိုးတောင်ကျေးရွာရှိ ထွန်ယက်ထားသော စိုက်ခင်းအချို့လည်း ပျက်စီးခဲ့ကြောင်း သိရသည်။
