ရန်ကုန်တိုင်း၊ စမ်းချောင်းမြို့နယ်၊ စမ်းချောင်းလမ်းပေါ်ရှိ Bar 4 U ဘီယာဆိုင်တစ်ဆိုင်မှာ ယမန်နေ့ ည ၈ နာရီကျော်က မီးလောင်မှုဖြစ်ပွားခဲ့တာကြောင့် ၂ ဦးသေဆုံးခဲ့တယ်လို့ သိရပါတယ်။
ဆိုရှယ်မီဒီယာမှာ ပြန့်နှံ့လာတဲ့ ရုပ်သံဖိုင်အရ မီးလောင်မှုမှာ ဘားဆိုင်ရဲ့ မျက်နှာကျက်ရှိ မီးလုံးမှ ဝါယာရှော့ဖြစ်ပြီး မီးစတင် လောင်ကျွမ်းခဲ့တာဖြစ်ပြီး မီးသတ်တပ်ဖွဲ့မှ Level 1 အုပ်စုယာဥ်နဲ့ သွားရောက် မီးငြိမ်းသတ်ရာ ည ၈ နာရီ ၄၅ မိနစ်မှာ မီးငြိမ်းနိုင်ခဲ့တယ်လို့ မြန်မာနိုင်ငံမီးသတ်တပ်ဖွဲ့က ထုတ်ပြန်ထားပါတယ်။
ဘားဆိုင်မီးလောင်မှုကြောင့် ဆိုင်ရှိ ဝန်ထမ်းအမျိုးသား ၂ ဦးသေဆုံးခဲ့ရပြီး ဘားဆိုင်နဲ့ ကပ်ရပ်ရှိ ဖုန်းဆိုင်လည်း မီးလောင်ပျက်စီးဆုံးရှုံးခဲ့ကာ လူထိခိုက်မှုမရှိဘူးလို့ သိရပါတယ်။
Photo – MFSD/ အနာဂတ်အလင်းတန်းပရဟိတအသင်း