ရာသီဥတုအပူဒဏ်ကြောင့် ဒီကနေ့ အောက်တိုဘာလ ၁၂ ရက် နေ့လည် ၁၁ နာရီ ၂၅ မိနစ်အချိန်ခန့်က ရန်ကုန်တိုင်း၊ ကျောက်တံတားမြို့နယ်၊ ဆူးလေဘုရားလမ်းနဲ့ အနော်ရထာလမ်းထောင့်မှာ သက်ကြီး ပိုင်းအမျိုးသားတစ်ဦး Heat Stroke ဖြစ်ပြီး မူးလဲကျပြီးနောက် ဖြစ်စဥ်နေရာသို့ သွားရောက်ကူညီရာ ရောက်ရှိချိန်မှာ အသက်မရှိတော့ဘူးလို့ ကျောက်တံတားမြို့နယ် အရန်မီးသတ်တပ်ဖွဲ့ က ထုတ်ပြန် ထားပါတယ်။
သေဆုံးသွားတဲ့ အမျိုးသားရဲ့ မိသားစုထံ ဆက်သွယ်အကြောင်းကြားပြီး Dead Body ကို ရန်ကုန် ဆေးရုံကြီးသို့ ပို့ဆောင်ပေးခဲ့တယ်လို့ ဆိုပါတယ်။
“မနက်ခင်းပိုင်း ၇ ခွဲ ၈ နာရီဆို စ ပူလာပြီ၊ အထူးသဖြင့် ရောဂါအခံရှိတဲ့ သက်ကြီးရွယ်အိုတွေ၊ ကလေးငယ်တွေ ပိုသတိထားရပါမယ်၊ အပူဒဏ်ကြောင့် အသက်ဆုံးရှုံးရတာတွေ တွေ့လာနေရတော့ တော်တော်လေး ဂရုစိုက်ရမယ်” လို့ ရန်ကုန်မြို့ခံတစ်ဦးက ပြောပါတယ်။
အယ်နီညိုဖြစ်စဥ်ကြောင့် ယခု မြန်မာနိုင်ငံတဝန်းလုံးမှာ အပူချိန်မြင့်တက်နေပြီး အပူဒဏ်အန္တရာယ်မှ ကာကွယ်ဖို့ နေပူပြင်းတဲ့ နံနက် ၁၀ နာရီမှ ညနေ ၄ နာရီအချိန်အတွင်း အပြင်ထွက်တာကို ရှောင်ရှားကြဖို့၊ ရေကိုလုံလောက်စွာ သောက်သုံးဖို့နဲ့ လိုအပ်တဲ့ကြိုတင်ကာကွယ်မှုတွေ ဆောင်ရွက် ကြဖို့ ကျန်းမာရေးဝန်ကြီးဌာနက ထုတ်ပြန်ထားပါတယ်။
Photo – ကျောက်တံတားမြို့နယ်အရန်မီးသတ်တပ်ဖွဲ့