မြန်မာနိုင်ငံအတွင်း ဖြစ်ပွားနေတဲ့ ပဋိပက္ခတွေကြောင့် တိုင်းပြည်ဆက်လက်ယိုယွင်းလျက်ရှိသော်လည်း အဲ့ဒီအကျပ်အတည်းတွေ အဆုံးသတ်စေဖို့အတွက် ကူညီပံ့ပိုးပေးရန် အမေရိကန်ပြည်ထောင်စုက ဆက်လက်သန္နိဋ္ဌာန်ချထားတယ်လို့ အမေရိကန်နိုင်ငံခြားရေးဝန်ကြီး မာကို ရူဘီယို က ဆိုပါတယ်။
ဧပြီလ ၁၂ ရက်နေ့ ရက်စွဲနဲ့ အမေရိကန်နိုင်ငံခြားရေးဝန်ကြီး မာကိုရူဘီယို ရဲ့ ၂၀၂၆ မြန်မာ့အတာသင်္ကြန် ပွဲတော်နဲ့ နှစ်သစ်ကူးကာလ ထုတ်ပြန်ချက်မှာ ပြောဆိုထားတာပါ။
မြန်မာ့နှစ်သစ်ကူး အတာသင်္ကြန်ပွဲတော်ကို ဆင်နွှဲနေကြတဲ့ မြန်မာပြည်သူပြည်သားများအားလုံးသို့ အမေရိကန်ပြည်ထောင်စုကိုယ်စား မိမိက နွေးထွေးစွာ ဆုမွန်ကောင်းတောင်းလျက် အားပေးစကား ပြောကြားလိုတယ်လို့ မာကို ရူဘီယို က ဆိုပါတယ်။
သင်္ကြန်အခါသမယမှာ ပြီးခဲ့တာတွေကို ပြန်လည်သုံးသပ်ဖို့နဲ့ ရှေ့လာမည့် နှစ်သစ်ကို မျှော်ကြည့်ဖို့ အခွင့်အရေးတစ်ခုဖြစ်ပြီး မြန်မာပြည်သူများ ဆက်တိုက်ကြုံတွေ့နေရတဲ့ ဆင်းရဲဒုက္ခများကြားမှာ ရဲစွမ်းသတ္တိနဲ့ ကြံ့ကြံ့ခံနိုင်စွမ်းရှိမှုကို ထပ်တလဲလဲ ပြသခဲ့ကြပြီးဖြစ်ကာ သင်္ကြန်ရဲ့ အနှစ်သာရမှာ မိမိတို့ကို ပိုမိုကောင်းမွန်တဲ့ မနက်ဖြန်များရှိကြောင်း သတိပေးနေတဲ့အတိုင်း မြန်မာပြည်သူတွေအတွက် ခွန်အား၊ ကြံ့ကြံ့ခံနိုင်ရည်နဲ့ လာမည့်နှစ်သစ်မှာ မျှော်လင့်ချက်အသစ်များ ရရှိပါစေကြောင်း ဆုမွန်ကောင်းတောင်းတယ်လို့ ထုတ်ပြန်ထားပါတယ်။