သျှမ်းပြည်မြောက်ပိုင်း၊ မူဆယ်မြို့၊ စွမ်စော်ရပ်ကွက်ရှိ မုံးပေါ်ဆီဆိုင် အနောက်ဘက်ရှိ ဆီသိုလှောင် ကန်မှာ ဒီကနေ့ အောက်တိုဘာ ၂၀ ရက် နံနက် ၁၀ နာရီကျော်အချိန်က မီးလောင်မှုဖြစ်ပွားခဲ့တယ်လို့ မူဆယ်ဒေသခံမှ သိရပါတယ်။
“မနက်ကတည်းက မီးစလောင်တာ အခု မွန်းလွှဲပိုင်း ၃ နာရီအထိ မီးမငြိမ်းသေးဘူး၊ မီးသတ်ကားတွေလည်း အများကြီး ကြိုးစားပြီး မီးငြိမ်းနေကြတယ်၊ တရုတ်နိုင်ငံဘက်က မီးသတ်ကား တွေလည်း လာကူငြိမ်းပေးတယ်” လို့ ဆိုပါတယ်။
မုံးပေါ်ဆီဆိုင်က ဆီသိုလှောင်ကန်မှာ ဆီဖြည့်ရင်း ပေါက်ကွဲမှုဖြစ်ကာ မီး စလောင်တာဖြစ်တယ်လို့ သိရပြီး တရုတ်နိုင်ငံ ရွှေလီ ဂျယ်ဂေါင်မှ မီးသတ်ကားတွေပါ လာရောက်မီးငြိမ်းကူတယ်လို့ သတင်းရင်းမြစ်က ဆိုပါတယ်။
မီးလောင်ရာနေရာသို့ မူဆယ်ခရိုင်/မြို့နယ် မီးသတ်တပ်ဖွဲ့နဲ့ ပရဟိတအသင်းမှ မီးသတ်ယာဥ် စုစုပေါင်း ၈ စီး၊ ရေသယ်ယာဥ် ၂၁ စီးနဲ့ မီးငြိမ်းသတ်ခဲ့တယ်လို့ မြန်မာနိုင်ငံ မီးသတ်တပ်ဖွဲ့မှ ထုတ်ပြန်ထားပြီး လူထိခိုက်မှုမရှိဘူးလို့ သိရကာ ပျက်စီးဆုံးရှုံးမှု အခြေအနေ အသေးစိတ်ကိုတော့ ဆက်လက်စုံးစမ်းဆဲ ဖြစ်ပါတယ်။
Video – Cj