သျှမ်းပြည်နယ်တောင်ပိုင်း ပင်လောင်းမြို့တွင် မိုးအဆက်မပြတ်ရွာသွန်း မှုကြောင့် ရေကြီးရေလျှံမှုဖြစ်ပွားပြီး ရပ်ကွက်အတွင်းရှိ နေအိမ်များအထိ ရေဝင်လျက်ရှိကြောင်း သိရသည်။
“ ပင်လောင်းမှာ တခါမှရေကြီးတယ်ဆိုတာ မကြုံဖူးဘူး။ ပင်လောင်းဆိုတာက တောင်ပေါ်မြို့ဖြစ်တဲ့အပြင် ရေလည်းရှားတဲ့နေရာလေနော်။ အခုက မိုးတွေဆက်တိုက်ရွာပြီး မြောင်းတွေထဲရေပိတ်လို့ စံချိန်တင်မြို့ထဲမှာရေကြီးတယ်ပြောလို့ရတယ်။ အိမ်ထဲအထိရေတွေဝင်နေပြီ နောက်ထပ် ၂ ရက်လောက်မိုးထပ်ရွာရင်တော့ ပိုဆိုးလာဦးမယ်ထင်တယ်။” ဟု ပင်လောင်းမြို့ခံတစ်ဦးက ပြောပြသည်။
ပင်လောင်းမြို့သည် တောင်ပေါ်မြို့ဖြစ်သည့်အပြင် နွေရာသီအတွင်း သုံးအရေအတွက်ပင် ခက်ခဲသော ဒေသဖြစ်သည်။ ယနေ့ ဩဂုတ်လ (၁) ရက်နေ့အထိ မိုးဆက်လက်ရွာသွန်းနေပြီး ကားလမ်းမကြီးအပေါ်ထိ ရေတက်နေကြောင်း သိရသည်။
