သျှမ်းပြည်တောင်ပိုင်း မိုင်းရှူးမြို့နယ် ဆိုင်းလျှံဒေသ တွင် ယနေ့ နံနက်ပိုင်းက မိုးသည်းထန်စွာ ရွာသွန်းမှုကြောင့် မြေသားပြိုကျပြီး လူ ၄ ဦးပျောက်ဆုံးကာ ၃ ဦးကို သေဆုံးလျှက်ပြန်တွေ့ ရကြောင်းဒေသခံများထံမှ သိရသည်။
” သူတို့ က မိသားစုဝင်တွေလို့ သိရတယ်စိတ်မကောင်းပါဘူး တောင်စောင်းကမြေတွေ အိမ်ပေါ်ပြိုကျပြီး လူ၄ ယောက်စလုံးပါသွားတာ ၊ ကယ်ဆယ်ရေးတွေ တစ်နေကုန် ရှာကြတာ ယောကျ်ားလေး ၃ ယောက် ရဲ့အလောင်းပဲ ပြန်တွေ့တယ် ” ဟု ဒေသခံတစ်ဦးကပြောသည်။
မိုင်းရှူး တောင်ပေါ် ၊ ဆိုင်းလျှံဒေသ ၊ နှစ် ပေါင်ဝ နေရာတွင်ယနေ့ စက်တင်ဘာလ ၈ ရက်၊ ယနေ့ နံနက် ၇ နာရီ ခန့်က တောင်စောင်းမြေ ပြိုကျပြီး နေအိမ် ၂ လုံးပေါ်သို့ ပိမိကာ အမျိုးသား ၃ ဦး၊ အမျိုးသမီး ၁ ဦး၊ စုစုပေါင်း ၄ ဦး ပျောက်ဆုံးခဲ့ခြင်းဖြစ်ကြောင်း သိရသည်။
ကူညီကယ်ဆယ်ရေးအဖွဲ့အစည်းများက နံနက် ၇ နာရီခွဲအချိန်တွင် အမျိုးသားတစ်ဦး နှင့် နေ့လယ် ၁၂ နာရီခွဲခန့်တွင် အမျိုးသား နှစ်ဦးကိုလည်း ကောင်းသေဆုံးလျက် တွေ့ရှိခဲ့ ပြီး ပျောက်ဆုံးနေသည့် အမျိုးသမီးတစ်ဦးအား ဆက်လက်ရှာဖွေလျက်ရှိကြောင်း သိရသည်။
ယခင်နှစ် ၂၀၂၅ ခုနှစ်ဇူလိုင်လ တွင်လည်း မိုင်းရှူးတောင် ပေါ်ဒေသတွင် မိုးသည်းထန်စွာရွာသွန်းမှုကြောင့် မြေသားပြိုကျပြီး နေအိမ် ၂ လုံးပြိုကျဖူးသည် ။