သျှမ်းပြည်အရှေ့ပိုင်း တာချီလိတ်မြို့တွင် ယနေ့နံနက် ပိုင်းမှစတင်ကာမယ်ဆိုင်ချောင်းမှ ရေထိန်းနံရံများ ပြိုကျပြီး ရေများအလုံးအရင်းဖြင့် ဝင်ရောက် လာမှုကြောင့် မြို့၏ အနိမ့်ပိုင်းရပ်ကွက်များ စတင်ကာရေကြီး မှုဖြစ်ပွားနေကြောင်း
သိရသည်။
ယမနေ့ည နေပိုင်းမှစတင်ကာ မိုးအဆက်မပျက်ရွာသွန်းမှုကြောင့်တောင်ကျရေများဝင်ရောက်လာပြီး ရပ်ကွက်တစ်ချို့တွင် ရေလွမ်းမိုး ကာ ယနေ့နံနက်ပိုင်းတွင်လည်း မယ်ဆိုင်ချောင်း ရေထိန်းနံရံများ ပြိုကျ ပြီးရေများအလုံးအရင်းဖြင့်ဝင်ရောက် လာသောကြောင့် စိုးရိမ်ရသည့်အခြေအနေတွင် ရှိနေသည်။
လက်ရှိတွင် တာချီလိတ်မြို့၏ အနိမ့်ပိုင်းဖြစ်သည့် လွယ်တော်ခန်း၊ပုန်းထွန်၊တာလော့၊မကာဟိုခမ်း၊ဆန်ဆိုင်း(က)၊ဆန်ဆိုင်း(ခ)၊မယ်ခေါင်၊ရန်အောင်မြေရပ်ကွက်များအတွင်း ရေများဝင်ရောက်ကာ လမ်းပေါ်လျှံတက်ပြီး သွားလာရ ခက်ခဲနေကြောင်း သိရသည်။